Сумогийн 69 дэх их аварга Хакухо Даваажаргал өчигдөр орой эх орондоо ирлээ. Мэргэжлийн сүмогийн дээд зиндаанд үзүүлсэн амжилтаараа гуравдугаарт эрэмбэлэгдэх болсон их аваргыг тойрсон дуулиан шуугиан тосч байна. Учир нь 28 дахь түрүүгээ авсан түүнийг Сүмо бөхийн холбооноос Япон улсын иргэн болох гэсэн шахалтыг үзүүлж байгаа. Аварга ч энэхүү шахаанд орж Япон улсын иргэн болох болжээ гэсэн мэдээлэл сүүлийн үед эрчимтэй тархсан.

Энэхүү шуугианд их аварга М.Даваажаргал эх орондоо хөл тавингуутаа хариулт өгсөн байна. Тэрээр “Миний амьдрал сүмо бөхтэй, япон улстай салшгүй холбоотой. Энэ их спортод хөл тавьж өдий зэрэгтээ яваадаа баярладаг. Гэхдээ ингэлээ гээд эх орноо орхин иргэншлээ солих тухай байхгүй. Тийм дарамт шахалт ирээгүй” хэмээн тодорхой хариултыг өгсөн байна.

Их аварга М.Даваажаргал энэ удаа  Тоёото брэндийг монголд оруулж ирэх ажлаар эх орондоо ирсэн байна. Монголчуудын хамгийн ихээр унаж хэрэглэж сурсан энэхүү машиныг ченжийн гар дамжуулалгүй хэрэглэгчдэд хүргэхээр зорьжээ.