Одоогоос хэдэн сарын өмнө төрсөн хүүгээ “Минийх биш” гэж ад үзээд аймшигтайгаар зодсон аавын талаар бид мэдээлж байсан. Тэр балмад этгээд таван настай жаахан хүүгийнхээ нурууг заазуураар зүсч гэмтээсэн билээ.Тэгвэл үүнээс дутуугүй сэтгэл сэрдхийлгэм хэрэг Баянзүрх дүүрэгт гарсан аж.

Тус дүүргийн 24 дүгээр хорооны иргэн 30 настай эмэгтэй Д өөрийн төрсөн охин есөн настай Л-ыг гурилын ганжин модоор нүдэж баруун гарынх нь тохойг хугалжээ. Ингээд ч зогсохгүй хоёр хөлийг нь хөдлөх ч боломжгүй болтол битүү хавдар болгон зодож гэмтээсэн байна.

Уг балмад хэргийг БЗД-ийн Цагдаагийн нэгдүгээр хэлтэст шалгаж байгаа юм. Хүүхдүүд энэ мэтээр гэр бүлийн хүчирхийлэлд ихээр өртөж байгааг цагдаагийн байгууллагаас анхааруулав. Эх сурвалж www.wikimon.mn – See more at: http://www.wikimon.mn/content/52949.shtml#sthash.oomgow6C.dpuf