Иргэн Т.Сайнжаргал  өнөөдөр ШӨХТГ-ын дарга О.Магнайд хариуцлага тооцох хэд, хэдэн үндэслэл бүхий шаардлагыг Төрийн албаны зөвлөлд хүргүүлэхээр болсон байна.

Засгийн газрын хэрэг эрхлэх газрын дарга Ч.Сайханбилэг өнөөдөр Төрийн ордны Г танхимд 12.40 цагт мэдээлэл хийнэ.

”Мерит тогтолцоо-туршлага сургамж, сорилт боломж” сэдэвт олон улсын чуулга уулзалт өнөөдөр Төрийн ордонд эхэлнэ.

11.40 цагаас ШШГЕГ-ын харьяа Амгалан дахь Мэргэжлийн сургалт үйлдвэрлэлийн төв Нээлттэй хаалганы өдөрлөг зохион байгуулна.

БНСУ-ын Засгийн газрын буцалтгүй тусламжаар хэрэгжсэн Улаанбаатар хотын ус дулаан хангамжийн тоног төхөөрөмжийг шинэчилэх хоёр дахь шатны төслийн ажлыг хүлээлгэж өгөх ёслолын ажиллагаа өнөөдөр 11.00 цагаас “Их алтан дөш өргөө” үйлдвэрийн газарт болно.

Беларусийн Ерөнхий сайд М.В.Мясниковичийн Монгол Улсад хийх айлчлалын хүрээнд Беларусийн үндэсний үйлдвэрийн үзэсгэлэн, бизнес чуулган энэ сарын 5-8 ны өдрүүдэд МҮХАҮТ-д болно. Энэ талаар өнөөдөр 12.00 цагт мэдээлэл хийнэ.

Дамбадаржаагийн 58-р сургуулийн тоног төхөөрөмжинд ус цэвэршүүлэгч суулгах ажиллагаа 10.00 цагт болно. Энэхүү ус цэвэршүүлэгчийг Усны газраас суулгаж өгч байгаа гэнэ.

Багш хөгжлийн ордонд өнөөдөр “Монгол, Солонгосын багш солилцооны хөтөлбөр”-т хамрагдаж, Солонгос улсад хоёр сар ажиллаж, туршлага судалсан 25 багш сурсан мэдсэнээ тайлагнаж байна.

Монгол охин Гиннесийн амжилтыг хоёр дахь удаагаа эвдсэн талаар өнөөдөр Хэвлэлийн хүрээлэнд 11.00 цагаас мэдээлэл хийнэ.

“Эвлүүлдэг зураны үзэсгэлэн” 11 цагт Уран зургийн галерейд нээлтээ хийх гэж байна.

10:00 цагт Багшийн хөгжлийн ордны 605 тоотод “Монгол Солонгосын багш солилцооны хөтөлбөр”-т хамрагдаж, Солонгос улсад 2 сар ажиллаж, туршлага судалсан 25 багш сурсан мэдсэнээ тайлагнана.

Бөхийн өргөөний уулзварыг бүх чигийн хөдөлгөөний зохион байгуулалттай болгож шинэчиллээ. 11.40 цагаас албан ёсоор нээнэ.

Эх сурвалж: Шуурхай.мн