Монголын үндэсний олон нийтийн телевизийн “Хэцүү анги” киноны Гэрлээгийн дүрээр олонд танигдаж эхэлсэн мисс Б.Бадамцэцэг  “Ач” анагаах ухааны их сургуульд нүүр ам судлалын их эмч мэргэжлээр сурдаг байсан ч өдгөө ЭМШУИС-д шүдний ангид суралцдаг. Кинонд тоглох, хичээлдээ явах, миссийн тэмцээнүүдэд оролцох гээд завгүй яваа залуухан бүсгүй хамгийн сүүлд “Ану хатан” киноны Ахайн дүрд тоглосон байдаг.

“Miss Mongolia-2010” тэмцээний тэргүүн мисс  тэрээр наймдугаар ангид байхдаа анх “Үнсгэлжин-2009” тэмцээнд оролцож тусгай байр эзэлж ,“Азийн модель” агентлагт сургалтад явж эхэлсэн гэдэг. Гэрлээ хэмээх даруухан охины дүрийг бүтээсэн Б.Бадамцэцэг амьдрал дээрээ ч даруухан эвдрээгүй ааш зантай гэгддэг. Даруухан болоод ч тэр үү мисс бүсгүй маань гурван удаа бааранд орж үзсэн гэнэ шүү. Тэрээр хэлэхдээ ” Би гурван удаа бааранд орж үзсэн. Дандаа киноны зураг авалтаар. Түүнээс биш чимээ шуугиантай газар байхыг хүсдэггүй. Хааяа найзууддаа “Би хэзээ залуу хүн шиг баар саванд орж явдаг болох юм бол доо” гэж хэлээд шоолуулдаг. Миний сонсдог хөгжим ч гэсэн намуухан” гэжээ.

Эх сурвалж: Шуурхай.мн