“Шинэ үе” продакшны жүжигчин Г.Ундармаа хамтлагтаа төдийгүй хошин урлагт тууштай уран бүтээл туурвиж яваа эрч хүчтэй жүжигчин бүсгүйчүүдийн нэг.

Өнгөрсөн амралтын өдөр буюу өчигдөр түүний тоглосон  “Single ladies” романтик, инээдмийн уран сайхны кино нээлтээ хийсэн. Ганц бие бүсгүйчүүдийн амьдралыг инээдэмт хэлбэрээр үзүүлэх уг киноны гол дүрийг “Шинэ үе” продакшины жүжигчин Г.Ундармаа, “Х ТҮЦ” продакшины жүжигчин А.Туяа, “Мөрөөдлийн театр”-ын залуу жүжигчин О.Дөлгөөн нар бүтээжээ. Мөн продюссерээр нь ч  часхийсэн дуутай, цовоо, басхүү хошин урлагийнхан дотроо хамгийн хөөрхөн нь гэгддэг жүжигчин Г.Ундармаа ажилласан байна.

Сайн үйлсийн аян өрнүүлж эмнэлгийн хүлээлгийн танхим тохижуулахаар сэтгэл шулуудаад байгаа Г.Ундармаа жүжигчний  уран бүтэээлийнхээ хажуугаар “Ануун” тавилгын дэлгүүрийн менежерийн ажил давхар хийж байсан төдийгүй гэр ахуйн тавилгын дэлгүүр нээж, хувийн болоод уран бүтээлийн олз омогтой яваа аж.