“Гялс” төвийн уулзвараас зүүн тийш Баянзүрх дүүргийн Засаг даргын Тамгын газар хүртэлх 1 км авто замын хойд талын урсгалыг өчигдөр орой 23.00 цагаас эхлэн хаалаа.

Уг замд гурав хоногийн турш өнгө асфальтбетон хучилт хийж, дараа нь нээх юм. Цаашид урсгал тус бүрээр хэсэгчлэн хааж хучилтын ажлыг гүйцэтгэхээр төлөвлөсөн байна. Мөн зүүн дөрвөн замаас сансрын тунель хүртэлх замыг долдугаар сарын 29-өөс хааж засварласан бөгөөд энэ хэсгийг өнөөдөр нээнэ. Түүнчлэн өнөөдрөөс эхлэн Сансрын тунелиэс сансрын аюулгүйн тойрог хүртэлх замыг хааж зам засварын ажил хийх юм.

Эх сурвалж: Шуурхай.мн