Монгол Улсын гавьяат тамирчин, буудлагын спортын олон улсын хэмжээний мастер Д.Мөнхбаяр ХБНГУ-ын иргэн болж, тус улсаас тэмцээнд оролцдог билээ.Харин тэрбээр иргэншлээ сэргээж Монгол Улсын иргэн болох хүсэлтээ гаргаад байгаа юм байна.

Хуулийн дагуу иргэншлээ сэргээх нь нээлттэй байдаг байна. Үүний тэлд холбогдох байгууллагуудаас Д.Мөнхбаярын талаарх мэдээлэл лавлагааг авдаг. Тодруулбал, Монголын иргэн харьяатыг сэргээхийн тулд цагдаа, тагнуулын байгууллагаас мэдээлэл лавлагаа авдаг ажээ. Мөн Д.Мөнхбаяр гэдэг хүн Монгол Улсаас хэзээ гарсан, ХБНГУ-ынхаа иргэн харьяатын бүртгэлээс хасагдсан зэргийг судалж байгаа гэнэ. Үүний дараа иргэншлээ сэргээх хүсэлт гаргасан иргэнтэй холбоотой материал бүрдэхээр Засгийн газарт танилцуулж байгаад албан асуудал тавьдаг бөгөөд  эцсийн шийдвэрийг Ерөнхийлөгч гаргах ажээ.

Эх сурвалж: Шуурхай.мн