Хан Хэнтий уулын аймаг байгуулагдсаны 90 жилийн ой энэ жил тохиож буй.

Энэ үеэр “Зүүн бүсийн их хурд” морин уралдаан давхцах тул бүр ч илүү өргөн наадам болох аж. Иймээс нутгийнхаа наадмыг зорих хэнтийчүүддээ Өмнөдэлгэр сумын уугуул Г.Баярмагнай захиралтай “Атибус” компанийн хамт олон нэгэн бэлэг барихаар болжээ.
Тодруулбал, Хан Хэнтийн баяр наадмын өмнөх өдөр буюу энэ сарын 25-ны өдөр тус компани том оврын 4 автобусаар Хэнтий рүү үнэгүй зорчуулахаар болсон байна. Тэд энэ сарын 25-ны өдрийн 10.00, 17.00 цагуудаас тус бүр хоёр автобусаар Офицеруудын ордны өмнөх зогсоол дээрээс Улаанбаатар-Хэнтийн чиглэлд нутгийнхандаа үнэгүй үйлчилнэ.

Эх сурвалж: Шуурхай.мн