Жүжигчин Т.Баттулга буюу Батуушка өдгөө “Мөрөөдлийн театр”-т уран бүтээл туурвин тайзны урлагт хүчин зүтгэж яваа төдийгүй “Буруу эргэлт” зэрэг хэд хэдэн кинонд дүрээ мөнхөлсөн. Өнгөрсөн хавар тус хамтлагийнхан гадаадад болоод эх орноороо аялан тоглолтоо хийгээд байгуулагдсан цагаасаа олз омог ихтэй байгаа.

Батуушкагийн хувьд олон бүсгүйчүүдийн сэтгэлийг булиглуулж байдаг сайхан залуусын тоонд багтдаг гэхэд хилсдэхгүй. Тэрээр Дуучин Наратай хайр сэтгэлийн холбоотой гэгдэж, нэг гэрт амьдарч, жинхэнэ дуулиантайхан амьдарч байсан. Гэсэн ч Батуушка гадаад хэл сурахаар Энэтхэгийг зориод хэсэг таг чиг болсон. Энэ цагаас эхлэн тэдний хайрын романс төгссөн.

Үргэлж бүсгүйчүүдийн сэтгэлийг сайхан төрхөөрөө татах түүний нэгэн зургийг фэйсбүүк дэх нэгэн найз нь шүүмжилжээ.

Тодруулбал, түүдэг галын хажууд суугаа түүний зурганд “Уучлаарай илүү юманд үг хэлж магадгүй. Гэхдээ Монгол хүн гал руу улаа харуулдаггүй гэсэн шүү хө” хэмээн сэтгэгдэл үлдээжээ. Харин үүний хариуд Батуушка “Баярлалаа Хөлөө уул нь харуулаагүй ээ. Санамсаргүй л” хэмээн эелдэгхэн хариу сэтгэгдэл үлдээсэн байна.

Тэрээр сүүлиийн үед өөрийн фэйсбүүкээ идэвхтэй ашиглаж сонин сайхан зургаар “бөмбөгдөх” болжээ.

Эх сурвалж: Шуурхай.мн