Арабт  болсон олон улсын хэмжээний 20 гаруй загвар зохион бүтээгчид, 5000 гаруй үзэсгэлэн сонирхогчид, дэлхийн 30 гаруй хэвлэл мэдээллийг хамруулсан “Fashion me” хэмээх  үзэсгэлэн худалдаанд загварын ертөнцөд Катя Зол нэрээрээ олонд танигдсан Г.Золцэцэг энэхүү шоунд эх орноо төлөөлөн анх удаагаа амжилттай оролцсон байна. Тэрээр “Katya Zol” гэх  брэндийг хүртэл бий болгож дэлхий нийтэд  өөрийгөө болоод эх орныхоо нэрийг гаргаж чадсан нэгэн билээ. Катя Зол энэ үзэсгэлэнд Монгол брэнд болсон  ноолууран  бүтээгдэхүүнээ таниулан сурталчилсан юм байна. Ноолууран бүтээгдэхүүнийг Арабын томоохон зах зээлд сурталчилсан бөгөөд Араб үндэстэнд зориулж орчин үеийн загварын нэг коллекц гаргаж, бусад материалуудыг  ноолууртай хослуулан үнэтэй гоёмсог зүйлсээр чимэглэсэн нь олны анхаарлыг маш ихээр татсан сурагтай. Энэ шоуны үер түүний сайн найзууд болох “Kиви” хамтлагийнхан  ая дуугаа өргөж, хоёр өдрийн турш тайзнаа загваруудаа амилуулж чадсан байна. Энэхүү арга хэмжээ энэ сарын 14-17-ны хооронд Саудын Арабт болж өнгөрсөн юм.

Эх сурвалж: Шуурхай.мн