Үнэндээ олны танил хүмүүсийн хувийн амьдрал хэнд ч хамаагүй. Тухайлбал, тухайн хүн урлагийнх бол урлагаараа, спортын гавьяатан бол түүгээрээ л олонд танигдаж явах нь зүй ёсны хэрэг. Гэхдээ л олон мянган дэмжигч, хүндэлдэг хүмүүс нь тэдний хувийн амьдралыг сонирхож эхэлдэг. Иймдээ ч “Оддын” гэж хэлж болохоор тэр амьдралд хошуу дүрж тэр хүн юу сонирхдог, ямар хоббитой, хаана юу хийж явааг нь алхам тутамд нь сонирхдог. Өөрөөр хэлбэл энэ нь хэсэг бүлэгхэн сэтгүүлч сурвалжлагчдын бус уншигч үзэгчдийн сонирхолд нийцсэн байдаг учраас вэб сайт, сонин, телевизүүд дээрхийн жишээ бүхий мэдээ, мэдээлэл бэлтгэдэг. Ингэснээр хэвлэл мэдээллийн байгууллагууд уншигч үзэгчдийнхээ хүсэл сонирхолд нийцүүлж мэдээллээ бэлтгэдэг гэсэн үг. Энэ дунд үнэн ч мэдээлэл байх нь бий. Бас зохиомол мэдээ байх нь ч бий. Үнэндээ олны танил хүмүүсийн хувийн амьдрал хэнд ч хамаагүй. Тухайлбал, тухайн хүн урлагийнх бол урлагаараа, спортын гавьяатан бол түүгээрээ л олонд танигдаж явах нь зүй ёсны хэрэг. Энэ тохиолдолд сурвалжлагч сэтгүүл зүйн үнэн бай зарчмыг алдагдуулахын зэрэгцээ бусдын нэр хүндэд халдсан болж таарч байгаа. Харин үнэхээр үнэн бол заргалдаад ч нэмэр байхгүй шүү дээ. Учир нь олны танил хүмүүсийн амьдрал түүнийг дэмжигчдэд сонин төдийгүй сэтгүүлч мэдээ мэдээллийн үнэн байх зарчмаа хангасан учраас. Ийм ч учраас олны танил байх хэцүү гэсэн яриа үнэн байдаг. Хөөрхий муу Дорж, Дулмаа, Бат хэнтэй уулзаж хэдэн хүүхэдтэй болох нь хэнд ч хамаагүй. Ялангуяа олон нийтэд бүр ч хамаагүй.

Саяхнаас Загвар зохион бүтээгч Катя Золын тухай шар хэвлэлүүд шуугиж эхлээд байгаа. Тодруулбал, тэрээр Малайз улсад байхдаа Малайз эртэй амьдрал зохиож хүүтэй болж. Гэтэл Катя Зол өөрийн хүсэл мөрөөдөлдөө хөтлөгдөн хүү болоод хүүгийнхээ аавыг эх нутагт нь орхиод ирж. Энэ бол байх л амьдралын үнэн байж болно. Гэхдээ тэрээр эх нутагтаа ирээд л орчин үеийн загварын содон бүхнийг Монгол бүсгүйчүүдэд таниулж эхэлсэн төдийгүй урлагийнхантай хамтарч ажиллах, телевизийн олон нэврүүлэгт оролцож, бүр нэвтрүүлэг хөтлөх болсон нь түүнийг Монголчууд биш юмаа гэхэд олон бүсгүйчүүд түүнийг мэддэг болоход хүргэсэн. Ингэж тэрээр олонд танигдахдаа “ганц бие” гэдгээрээ л танигдсан. Олон ч ярианд нь “ганц бие” гэж хэлж болохоор сэдвүүд хөндөгдөж байсан. Эх нутагтаа ээж дээрээ эрхэлж яваа энэ бүсгүй хүүгээ ч ээжтэйгээ хамт байлгахыг хүсээгүй нь сонин. Үүнийг Монголд амьдрах орчин нөхцөл муу гэж тайлбарласан юм билээ. Үүнийг нь уншсан олон уншигч дургүй нь хүрсэн байх даа. Өнгөрсөн хугацаанд огт хүүхэдгүй юм шиг олонд танигдаж ирсэн тэрээр бүхэл бүтэн үрээ яагаад үгүйсгэх болов. Саяхан түүнийг хүндэлдэг нэг танил маань эмэгтэй хүнийхээ хувьд хүүхдээ үгүйсгэж явсан түүнийг “дэмжих, хүндлэх хүсэл нь навс уналаа шд” гэдэг байгаа.
Ийм ч учраас олны танил байна гэдэг их хариуцлага аж. Тэр дундаа хүндэлдэг биширдэг тэр хүмүүстээ худал, муу муухай сөрөг мэдээллээ ил болгож баригдах нь бүр ч таагүй бололтой.

Түүний “Өнөөдөр” сонинд өгсөн ярианаас:

“Миний нөхөр надаас ах нь үнэн. Гэхдээ үе мултарсан ч юмуу, өвгөн болчихсон хүн биш. Ний нуугүй хэлэхэд миний араас хоёр жил шахам хөөцөлдсөн л дөө. Эмэгтэй хүн дасч дурладаг гэдэг үнэн юм билээ. Нас залуу байсан болохоор амьдралын уртыг ухааралгүй, арай наагуур харчихсан юмуу даа. Гэхдээ гэнэн байж дээ гэж боддог ч би үүнийгээ хэзээ ч алд дэлэм алджээ гэж боддоггүй. Харин амьдралын нэг сургамж гэж хардгаа дахин хэлье. Түүнээс биш тэр хүн намайг ивээн тэтгээд өдий зэрэгт хүргэсэн юм огт байхгүй гэдгийг баттай хэлнэ. Би уг нь сургуулиа төгссөнийхөө дараа хэсэг хугацаанд амьдарчихаад буцна даа гэсэн бодолтой эх орноо зорьсон. Тэгсэн чинь ар араасаа ажил ундраад буцаж чадахгүй байна. Би Монгол хүн учраас Монголд амьдрахыг хүсэж байна, сайн сайхныг хийж бүтээхээр тэмүүлж байна. Хүүхдийн амьдрах орчин нь илүү сайн гэж үзээд тэнд үлдээсэн. Олон хүн хүүхдээ гадаадад төрүүлээд, амьдруулаад болж л байна. Энэ бол хувь хүний, эцэг эхийнх нь гаргах шийдвэр болов уу. Түүнээс биш би хүүгээ орхиогүй шүү дээ. Бид өдөр бүр утсаар ярьдаг, интернэтээр харилцдаг, байнга очиж уулздаг, үргэлж сэтгэл зүрхээрээ хамт байдаг. Ээж нь хүүгийнхээ төлөө л явж байгаа шүү дээ. Хүүхэд минь юугаар ч дутагдаж гачигдахгүй байгаасай л гэж хөдөлмөрлөж байна. Би хүүгээ чадахаараа л ээжийн хайранд умбуулж өсгөж байна. Хэзээ нэгэн цагт “Ээжээ танд баярлалаа” гэж хэлнэ гэдэгт итгэлтэй байна. Тухайн үеийн золиосыг ойлгох байх. Хүмүүс ч заримдаа хатуу шүү. Хүүгээ маш их санадаг. Би урьд нь аавыгаа яг ингэж санадаг байсан. Гэхдээ хийж бүтээнэ, би энэ бүхний ард гарах ёстой гэж өөрийгөө ирлэж амьдардаг” гэжээ.

Эх сурвалж: Шуурхай.мн