Ерөнхийлөгчийн сонгуулийн явцын талаарх мэдээллийг нийслэлийн Сонгуулийн хорооноос дөрвөн цаг тутамд мэдээлж байгаа. Монгол Улсын Ерөнхийлөгчийн сонгуулийн энэ өдрийг бүх нийтийн амралтын өдөр болгосон. Тиймээс иргэд Үндсэн хуулиар олгогдсон сонгох, сонгогдох бүрэн эрхийн дагуу сонгуулийн ажилдаа идэвхтэй оролцож байгаа билээ.
Гэсэн ч ажилчдынхаа сонгох эрхэд халдан ажиллаж байгаа аж ахуйн нэгж байгууллагууд байгаа талаар гомдлууд ирээд байгаа ажээ. Тухайлбал, санал хураалт эхэлснээс хойш тус хороонд албан байгууллагууд ажилчдаа амраахгүй байгаа тухай гомдол иржээ. Тодруулбал, “Мөнгөн Завьяа” дэлгүүр, “Начин заан” ломбардын сүлжээ, “Говь” ХК, Өгөөж  болон зарим нэг банкны салбарууд ажиллаад байгаа талаар гомдлууд ирсэн байна.
Харин Өгөөж компанийн удирлагуудад албан бичиг хүргүүлсний дүнд ажилчид нь саналаа өгөх эрхээр хангагдаад байгаа юм. Мөн бусад компанийн удирдлагуудад хуулийн дагуу мэдэгдэж шаардлага тавин ажиллаж байгаа гэнэ.
Хуулийн дагуу сонгогчдын сонгох эрхийг хязгаарласан тохиолдолд тухайн аж ахуй нэгжид захиргааны арга хэмжээ авах заалттай аж.

Эх сурвалж: Шуурхай.мн