“Гудамж” төслийн хүрээнд Саппорогийн тойрог буюу жолооч нарын хэлж заншсанаар “Эр зоригийн тойрог”-ийн дөрвөн замын уулзварын нээлт өнөөдөр боллоо.

Нээлтийн үйл ажиллагаанд Ерөнхий сайд Н.Алтанхуяаг, Эдийн засгийн хөгжлийн сайд Н.Батбаяр, Барилга хот байгуулалтын сайд Ц.Баярсайхан, УИХ-ын гишүүн С.Одонтуяа нар оролцов.

Саппорогийн тойргийн уулзварын зураг төслийг “Танил санаа” ХХК, зам барилгын ажлыг “Наранбулаг Хан” ХХК тус тус хийж гүйцэтгэжээ.

Саппорогийн тойрог нь нийслэл хотын хамгийн аюултай цэгээр тодорч, өдөрт 20 гаруй авто замын осол гардаг байсан нь судалгаагаар тогтоогдсон аж. Мөн автозамын түгжрэл ихээхэн үүсдэг тойрог. Энэхүү тойрог нь дөрвөн замын уулзвар болсноор авто тээврийн осол болон автозамын түгжрэл тодорхой хэмжээнд буурна хэмээн албаны хүмүүс үзэж буй аж.

Эх сурвалж: Шуурхай.мн