Өнөөдөр өглөө 06:15 цагийн орчимд Төрийн ордны зүүн хойд уулзвар дээр автомашины осол гарсан байна. 19-33 УНУ улсын дугаартай мөнгөлөг саарал өнгийн PRIUS маркийн автомашин, мөргөлдөж эвдэрсний улмаас дугаар нь үл мэдэгдэх болсон шар өнгийн Аксент суудлын авто машинтай мөргөлдөж, 2 зорчигч, 2 жолооч ноцтой гэмтэл авч, Гэмтлийн эмнэлэгт хүргэгдсэн аж.

Осол гарах үед шар өнгийн Аксент маркийн машинд жолоочоос гадна такси барьсан 2 зорчигч сууж явсан байна.

Харин мөнгөлөг саарал өнгийн PRIUS маркийн автомашины жолооч ганцаараа явж байжээ. Өглөөний 06:15 цагийн үед замын ачаалал чөлөөтэй байхын зэрэгцээ шар өнгийн Аксент маркийн автомашинын жолооч хурд хэтэрүүлэн хөдөлгөөнд оролцож байсан бөгөөд улмаар 19-33 УНУ улсын дугаартай мөнгөлөг саарал өнгийн PRIUS-тэй мөргөлдөж тэр хурдаараа явсаар Төрийн ордны зүүн хойд хаалганы баганыг цууртал нь мөргөж зогссон байна. Энэ дагуу замын цагдаагийн ажилтанууд ирж үзлэг шинжилгээ хийхэд тухайн хоёр жолооч хоёулаа согтууруулах ундаа хэрэглээгүй эрүүл байсан гэнэ.

Эх сурвалж: Шуурхай.мн