“Соёл ба хөгжил” соёлын чуулганы хүрээнд нийслэл, аймаг орон нутгийн театр чуулгын нээлттэй  өнөөдөр, маргааш хоёр СУИС-ийн төв байранд болно.

Өдөрлөгийн үеэр театр, чуулгуудын үйл ажиллагааг сурталчлахын зэрэгцээ хамтарсан урлагийн тоглолт, төгсөгчдөд зориулсан нээлттэй ажлын байр зарлах зэрэг үйл ажиллагаа болох юм байна. Мөн соёл урлагийн мэргэжлийн тулгамдаж буй асуудлаар нээлттэй хэлэлцүүлгийг өрнүүлнэ гэлээ. Хэлэлцүүлэгт Соёл урлагийн их сургуулийн профессор багш нар, Соёл урлаг судлалын хүрээлэнгийн эрдэмтэд болон мэргэжлийн уран бүтээлчид, мэргэжлийн урлагийн байгууллагуудын удирдлагууд оролцох бол өдөрлөгт  аймаг, орон нутгийн 23 театр чуулга, Дуурь, бүжгийн эрдмийн театр, Улсын драмын эрдмийн театр, Хилийн цэргийн дуу бүжгийн чуулга, Цэргийн дуу бүжгийн чуулга, “Сарны чулуу” чуулга, “Улаанбаатар” чуулга, “Түмэн- Эх” чуулгууд оролцох аж.

Эх сурвалж: Шуурхай.мн