Жил бүрийн зургадугаар сарын 20-ноос өмнө хүүхэд элсүүлэх тоогоо зарлаж, бүртгэж авч байхыг Боловсрол, шинжлэх ухааны сайд Л.Гантөмөр цэцэрлэгийн удирдлагуудад үүрэг болгосон байна.

Бүртгүүлэлтийн бүхий л ажлыг зургаан сар гэхэд дуусгах юм байна. Харин бүртгэлийг наймдугаар сарын 19-28-ны хугацаанд хийнэ. Бүртгэлийн хугацаанд эцэг, эхчүүд өөрийн боломжтой цагтаа цэцэрлэг дээр очиж, баталгаажуулахад л болох юм байна.

Бүртгүүлэхдээ ямар бичиг баримт авч ирэхийг нийтэд тодорхой зарлана. Мөн хүүхдийн эрүүл мэндийн талаарх мэдээллийг өрхийн эмнэлгээс авах, дахиж өгөх шаардлагагүй эрүүл мэндийн шинжилгээг эцэг, эх, иргэдээс нэхдэгийг болиулах гэнэ.

Цэцэрлэгт өөр тойргийн одоо сурч байгаа хүүхэд тухайн цэцэрлэгтээ үргэлжлүүлээд явж болно. Хамран сургах тойрог нь шинээр элсэх хүүхдийн хувьд л хамааралтай аж.

Эх сурвалж: Шуурхай.мн