Энэ сарын нэгний өдөр СУИС-ийн орчим өөрийгөө цагдаа хэмээн гав, буу, бороохойгоор өөрийгөө өвч “тоноглосон” залуу бусдыг айлган дарамталж байна гэсэн иргэдийн мэдээллийн дагуу  эргүүлийн офицер газар дээр нь очиж шалгасан байна. Түүний биед үзлэг хийн шалгахад цагдаагийн хурандаа гэсэн хуурамч үнэмлэх халааснаас нь гарсан гэнэ. Тэр 21 настай БЗД-ийн харьяат Р гэгч байсан бөгөөд СУИС-д сурдаг нэгэн оюутан найз охиныг нь удаа дараа дарамтлаад байсан учраас түүнийг дарамталж сүрдүүлэхээр завдсан тухайгаа хэлсэн байна. Мөн тэрбээр бусдаар цагдаагийн хурандаагийн хуурамч үнэмлэх хийлгэж, тоглоомон буу, гав бороохойгоо хамгаалалтын албаны хувцас хэрэглэл зардаг дэлгүүрээс худалдан авснаа хүлээсэн гэнэ.

Д.Сүх