Орчуулагч мэргэжилтэй С.Энхмаа Бээжинд АНУ-ын иргэншилтэй Африk бизнесментэй таван жилийн өмнө танилцаж улмаар гэр бүл болсон байдаг. Бизнес хийдэгт нь итгэж нөхрийнхөө төрлөх нутаг Нигерийг зорьжээ. Гэвч сайхан амьдрал хөөж очсон түүний хүсэл мөрөөдөл талаар болжээ. Хоёр дахь хүүхдээ тээж эхэлсэн үеэс л харь нөхрийнх нь мөн чанар танигдаж зодож нүдэх болсон байна. Улмаар гадаад паспорт болоод бусад бүх бичиг баримтыг нь нууж харанхуй өрөөнд түгжиж, хоол өгөхгүй хэдэн өдрөөр ч хамаагүй хонуулж, биеийн болоод сэтгэлийн хүчирхийлэл суран тэлээгээр зодож байсан гэдэг. Олон удаа цагдаагийн газар очсон ч гэсэн гэр бүлийн асуудал гээд авч хэлэлцдэггүй байж. Бас Африk тивийг хариуцсан Египт дэхь Монголын элчин сайдын яамтай холбогдож аврал ирэхэд нь хөдөлж өгөөгүй гэдэг. Монгол руу эгч нартайгаа холбогдож ГХЯ-ны Kонсулын газарт мэдэгдсэн байна. Эцэст нь төрийн хүнд сурталыг хүлээж дийлээгүй бүсгүй хоёр хүүхдээ дагуулан Христийн сүмд хандсанаар сарын өмнө эх нутагтаа ирэх боломжоор хангаж өгсөн бичлэг нь интернэтээр цацагдсаныг олон Монгол хүн үзэж зүрх шимширсэн.
Энэхүү бичлэг цацагдсаны дараа төр засаг ч анхаарлаа хандуулж Египтийн ЭСЯ-ыг буруутгасан. Харин тэд өөрсдийгөө хамгаалж түр гарах паспорт олгож туслахаар бэлдэж байсан хэмээн “арьсаа хамгаалсан”. Энэ дуулиант үйл явдал болсноос хойш сар гаран болоход харьд зовсон С.Энхмаа хаана явна вэ, эх орондоо ирээгүй гэж сураглах болсон. Тэгвэл С.Энхмаа хоёр охиныхоо хамт өчигдөр эх орондоо ирлээ. Түүнийг ар гэрийнхэн нь тосч авчээ. Хүний эрхийн байгууллагууд ч энэ асуудалд анхаарал хандуулжээ.

www.aravt.mn