…Мөнгөндөө бардаж, хоосон толгойтой залуучуудыг далдаас турхирагч Н.Номтойбаяр саяхан өөрийн хувийн

ТВ-ээ дагуулан хэдэн машин өвс хөдөөгийн ард иргэдэд явуулж байгаагаа шоудаж, рекламдав. Гэтэл нөгөө өвс нь Халх гол суманд очоод бөөн улс төржсөн хуваарилалт болж, зөвхөн Н.Номтойбаярт саналаа өгсөн айлуудад өгсөн сурагтай…

Саяхан УИХ-ын дарга З.Энхболд зүүн гурван аймгаар томилолтоор явж тэндхиин ажил, амьдралтай танилцан ардчилсан засгийн төрийн бодлого хөдөө орон нутагт хэрхэн үйлчилж байгааг газар дээр нь ажиллан үзээд иржээ. Энэ үеэр Дорнод аймгийн Чойбалсан хотод иргэд, хөдөлмөрчидтэй уулзах уулзалт зохион байгуулагдаж, цаг үеийн тулгамдсан олон асуудлын талаар ярилцах байх гэтэл аймгийн Засаг даргын суудлын төлөөх маш утгагүй жүжиг үзээд ирсэн тухайгаа УИХ-ын дарга толгой сэгсрэн ярилаа.

Үүний цаад эзэн нь УИХ-ын гишүүн Н.Номтойбаяр байсан бөгөөд тус аймгийн МАН-ын нөхдүүдийг зориуд зохион байгуулалттайгаар турхиран иргэд, хөдөлмөрчдийн санаа сэтгэлийг эсрэгээр эргүүлж, уулзалтыг нэг ёсны хошин шог болгох дөхжээ.

Үүний цаана Н.Номтойбаярын зүтгүүлж буй М.Бадамсүрэн гэгч нөхрийг аймгийн Засаг дарга болгуулж, орон нутгийн эрх мэдлийг түүгээр дамжуулан МАК компанийн бүрэн мэдэлд авах гэсэн цаад зорилго агуулж буйг хашир улстөрч З.Энхболд мэдэж авсан байна.

Н.Номтойбаярын захиалгат улс төрийг мөнгөөр хийдэг Дорнод аймгийн архи, тамхины ченж П.Мөнхтөр, жолооны курсын эзэн С.Мөнгөнбат нар ардчиллын эсрэг зохион байгуулалттай шуугиан дэгдээж байсныг ахмад буурлууд хараад “Ичих нүүрээ элгэндээ наасан залуучууд” хэмээн уурсч, бухимдаж байжээ.

Бусдын гар хөл, амьтны элэг доог болж буй Дорнод аймгийн төрийн залгамж халаа алдагдаж, мөнгөөр нутаг орноо худалдагсад улс төрд орж ирэхийн хар гайг тал нутгийн ард түмэн амсахын дээдээр амсч байгаа аж. Мөнгөндөө бардаж, хоосон толгойтой залуучуудыг далдаас турхирагч Н.Номтойбаяр саяхан өөрийн хувийн ТВ-ээ дагуулан хэдэн машин өвс хөдөөгийн ард иргэдэд явуулж байгаагаа шоудаж, рекламдав. Гэтэл нөгөө өвс нь Халх гол суманд очоод бөөн улс төржсөн хуваарилалт болж, зөвхөн Н.Номтойбаярт саналаа өгсөн айлуудад өгсөн сурагтай.

ЭХ СУРВАЛЖ: МАШ НУУЦ