Хүнсний манлай үйлдвэр “Талх чихэр” компани боовноос шархны лент гарчээ.

Тодруулбал, өнгөрсөн 22-ны өдөр нэгэн эмэгтэй ТаЧи-ийн еэвэн худалдан авсан бөгөөд еэвэнгээс нь шархны лент гарсан аж. Ингээд тус компанийн менежертэй холбогдоход, удалгүй ирж уучлалт хүсэн гурван уут боов өгөөд явсан гэнэ.

Ганц Талх чихэр компани ч гэлтгүй Суман Гүн, Атар-Өргөө компаниудын бүтээгдэхүүнүүдээс шавьж, шүд зэрэг олон зүйл гарч байсан удаатай. Эрүүл ахуйн 100 хувийн баталгаатай нөхцөлд үйлдвэрлэж хэрэглэгчиддээ өдөр бүр шинэ бүтээгдэхүүн хүргэх ёстой эл үйлдвэрүүд хүмүүсийн хоолонд ийн хариуцлагагүй хандаж байгаа нь харамсалтай.

Ер бид мэдэхгүй л болохоос өөр юу ч байдаг юм билээ. Та бид хүнсэндээ хэр баталгаатай хүнс хэрэглэж байгаа вэ? Золтой л хордож үхэхгүй л байгаа бололтой.

Гурил тосоо аваад өөрсдөө талх, боорцог хийж идсэн нь хамаагүй дээр болов уу…

Г.Сонор.ugluu.mn