Өнөөдөр Тэгш нийгэм ТББ, Ноён Бондгор тэргүүтэй залуус “Мобиком” корпорацийн эсрэг жагсаал зарлаад байна. Учир нь тус корпораци хамтлаг дуучдын оюуны өмч болох дуу, уран бүтээлийг нь ямарч зөвшөөрөлгүйгээр монголын хэрэглэгчдэд татуулж ашиг олж , зохиогчийн эрхийг зөрчиж байгаа бөгөөд ард түмний оюуны бүтээлийг ард түмэнд нь зарж борлуулж байгааг нь буруушааж байгаа аж. Монголдоо анхдагч гэгддэг үүрэн телефоны оператор болох  Япон эзэнтэй “Мобиком”-той холбоотой асуудал ундарсаар байна. Ард иргэд хэрэглэгчдийнхээ итгэлийг аль хэдийнээ алдсан тус корпораци нь үргэлж хэрэглэгчдээ “мөлжиж” байдаг бөгөөд энэ аргаар бүүр нэг гаршаад байгаа. Тиймээс урлагийнхан энэхүү жагсаалыг зохион байгуулж байгаа бөгөөд Монголын 2000 гаруй дуучид нэгдэхээ  мэдэгдсэн байна.

Харин тус “корпораци”-хан 15 цагаас шийдвэр гаргана гэсэн бөгөөд энэхүү оюуны хулгай хийсэн хэргээ “Монгол контент” хэмээх охин компанируугаа бухаад байгаа аж. “Аав хүү хоёр хулгай хийгээд баригдах болохоороо аав нь хүүгээ барьж өгөв” гэгчээр хийсэн хэргээ хүлээж чадахгүй хариуцлагаас бултах Мобиком ичмээр санагдах юм. Хэрэв тус “корпораци” дорвитой хариу өгөхгүй бол дараагийн алхамаа хийх юм байна.

Энэхүү жагсаалийн талаар Ноён Бондгор хэлэхдээ: “Бид оюуны хөдөлмөрөө “Мобиком” корпорацид шулуулж байна. Энэ корпораци бидний олон сар бодож, их хэмжээний мөнгө зарж хийсэн уран бүтээлийг хэрэглэгчддээ зарж борлуулж, өөрсдөө ашиг орлого олж байна. Бид энэ байгууллагаас ямар ч мөнгө авахгүй. Гагцхүү бидний хөдөлмөрөөр олсон мөнгөө амьжиргааны доогуур түвшинд байгаа гэр бүлийхэнд тусалж, гэр ч байтугай аваад өгөөсэй гэж хүсч байна. Гадаадын эзэнтэй компанийн хоол болгомооргүй байна. Хүний нохой идэхээр өөрийн нохой ид гэдэг үг байдаг шүү дээ” гэв.

Эх сурвалж: Shuurhai.mn