Өнгөрсөн “Лондон-2012” олимпоос Монгол Улсын гавьяат тамирчин С.Батцэцэг эмэгтэйчүүдээс анх удаа чөлөөт бөхийн төрөлд олимпын хүрэл медаль хүртсэн билээ. Гэтэл монголчууд бидний найдвар тавьдаг өнөөх төрлийг маань олимпын төрөлд оруулахгүй гэсэн шийдвэрийг гаргаад байгаа гэнэ.

Энэ шийдвэрийг сонссон зарим нэг нь арай л цус харвах шахуу суугаа сураг чих дэлслээ. Гэхдээ монголчууд бид ганцхан чөлөөт бөхөд найдаж суудаг улс биш шүү дээ. Тийм болохоор дараагийн олимпод медаль авах төрлийнхөө тоог нэмэхэд л хангалттай бус уу. Тэгээд ч Монгол түмний олимпын найдвар тасрах яагаа ч үгүй байна. Ашдын билгээс амны билэг гэдэгсэн дээ.
Эх сурвалж: “Улаанбаатар таймс”