Нийслэлийн Баянзүрх дүүрэгт “Ургах наран” гэх үүрд халуун, дулаан байхыг бэлгэдсэн нэгэн сайхан хороолол бий. Харамсалтай нь бэлгэдлийн сайхан нэр нь зохисонгүй. Уг нь “Унтрах наран” гэчихвэл үнэн болох байжээ. Өвөл дөнгөж эхэлж байхад оршин суугчид нь осгох юм гэж хэн санах билээ.

Ойрын хэдэн хоногт оршин суугчид нь үнэхээр зутарч, осгодогтоо тулаад байна. Өмсч болох бүхнээ өмсч, халааж болох бүхнийг халаажээ. Гал тогооны плитка, гэрлийн бүх эх үүсвэр, тень, халаадаг гудас гээд юу эс мундах билээ. Тэгээд ч нэмэр алга хэмээн тэр дагжин, чичрэн ярих ажээ. Сантехникийнх нь холболтоос өгсүүлээд л хулхидсан зүйл олон гэх.

“Ургах наран” ийнхүү унтарчээ. Эх сурвалж www.wikimon.mn