Нийслэл, дvvргийн газрын албаныхан албан тушаалаа урвуулан ашиглаж иргэдээс авлига авч байна хэмээн бага насны хоёр хvvхдээ дагуулсан хоёр эмэгтэй хэвлэлийнхэнд єчигдєр мэдэгдлээ.

Иргэн Ч.Нарангэрэл, Д.Цэвээнсvрэн нар Сvхбаатар дvvргийн 16 дугаар хороонд орших Дамбадаржаагийн эцэст, тоосгоны vйлдвэрийн урд амьдардаг гэнэ. Ч.Нарангэрэл сvvлийн гурав, Д.Цэвээнсvрэн 20 жилийн турш тус газарт амьдарч байгаа аж. Гэтэл газар ємчлєх хууль гарсантай холбогдуулан сvvлийн гурван жил амьдарч байгаа газраа ємчилж авах гээд єнєєдрийг хvртэл чадахгvй яваа гэнэ.
Хэдэн жилийн ємнє тэдний амьдарч байгаа газрыг барилгын vйлдвэр байгуулах гэж байгаад нєєц газар дууссан гээд айлуудад албан ёсоор олгож эхэлсэн аж.

Харамсалтай нь тус хоёр айлыг хичнээн удаа газраа ємчилж авах гээд єргєдєл єгсєн ч халгаахгvй єнєєдрийг хvргэжээ.
Хуулийн дагуу vнэгvй ємчлєх газрыг Сvхбаатар дvvргийн газрын албаны дарга Ё.Энхээ, газар зохион байгуулагч Ц.Тєрхvv, Т.Батаа, Н.Мєнгєнцэцэг нар зохион байгуулалттайгаар бусдад худалдаж байдаг гэнэ. Тэдний хєрш айлууд нь гэхэд амьдарч байгаа газраа сая тєгрєгєєр худалдаж авсан бол зарим нэг нь газрын албанд ажилладаг танил талаараа арай гэж амьдарч байсан газраа авч vлдээд байгаа юм байх.

Харин газрын албаныхан тус хоёр айлд єнгєрсєн долоо хоногт ирж, нэн даруй нvv, нvvхгvй бол хvчээр нvvлгэнэ гээд хашааных нь модыг суга татаад явсан байна. Vvгээр ч зогсохгvй дараа ирэхэд нvvлгэж авч явах унааны зардал бэлдээд сууж бай гэж хэлсэн гэнэ.
Ё.Энхээ дарга, “Та бvхэн хэл ам хийгээд юм олж долоохгvй хоёр хvvхдээ аваад траншейндээ очиж амьдар, ядарсан юм бол ядуу хvн шиг бай” гээд хэл амаар доромжлоод явсан гэнэ.
Дээрх хоёр иргэн газрын албаны нэр бvхий албан тушаалтнуудыг газрыг иргэдэд авлига авч худалдаж байна хэмээн Авлигатай тэмцэх газарт шалгаж єгєх хvсэлт тавиад байгаа юм байна.

Эх сурвалж: Монголын мэдээ