Өвөрхангай аймагт Ардчилсан намаас нэр дэвшигч Г.Батхүү, Д.Зоригт нарыг өөрсдийн бие төлөөлөгч Махбариад, Төмөрням, Пунсалмаа болон Доржпалам нараар дамжуулан Өвөрхангай аймгийн 19 суманд 2012 оны 4 дүгээр сарын 24-ний өдрөөс эхлэн нийт 560 иргэнд мөнгө тараасан бөгөөд энэ нь нийтдээ 168.000.000 орчим төгрөг болжээ гэдгийг Ардчилсан намын гишүүд дэмжигчдийн холбооны Ерөнхий зохицуулагч Т.Хасбаатар илчилсэн.

Гэвч энэ асуудлыг шүүхээр хэлэлцээгүй.
УИХ-ын дэд дарга, Оюу Толгойн гэрээг Монголын талаас ахлагч С.Баярцогт сонгуулийн үеэр “УИХ-ын гишүүн, Засгийн газрын гишүүн, Сангийн сайд С.Баярцогт” гэсэн бичэгтэй баян Намсрай бурханыг бүтээлгэн Сэлэнгэ аймгийн 30 мянга орчим сонгогчдод тараасан. Нэг ширхэг бурхан 150 мянган төгрөгийн өртөгөөр бүтсэн гэж үзэхэд доод тал нь 450 сая төгрөг болно. Гэвч С.Баярцогт ямар ч хариуцлага хүлээгээгүй. Энэ мөнгөөр 200 хүүхдийн тоглоомын парк 4, 17 тоглоомын талбай, 120 хүүхдийн ортой бичил цэцэрлэг 2-ийг барьж байгуулж болох ажээ.
Уг нь Өвөрхангай аймагт МАН-аас нэр дэвшсэн Д.Чинзориг, С.Төмөрхүү хоёр илт давуу саналаар ялсан л юм билээ. Одоо Увсын хоёрыг буцааж татна ч гэх шиг. Муу л бол баруун хойд овоохой гэдэг шиг юм л болвол МАН-ын дарга нарыг шонд дүүжилнэ, шоронд хатаана гэдэг болж. Шүүх, прокурор гээд бүх эрх мэдлийг гартаа атгасан АН-ынханд хууль үйлчилдэггүй хэрэг үү? Олонхиороо түрүү барьж Тусгаар тогтнолын өдрийг ч үгүйсгэлээ. Ард түмнээ ингэж ялгаварлаж болох уу?