2012 оны Орон нутгийн сонгуулийн хууль дуншиж, дуншиж АН-ын санаачилсан хуулиар хүссэн ч, эс хүссэн ч явахаар боллоо. Хоног хугацаа ойртох тусам хотын дарга Э.Бат-Үүлийн өргөн барьсан сонин содон, олонд ээлтэй сюрпризүүд олны дунд АН-ын рейтингийг улам өндөрсгөж байна. Харин МАН энэ удаагийн Орон нутгийн сонгуулийг будлиулж магадгүй хэмээн гадаадаас оруулж ирсэн саналыг автоматаар тоолох машиныг хардсан хэвээр байна.

Энэ хооронд АН, тэр дундаа МоАХ санаачлан саяхан хошин урлагийн “Шинэ үе” продашкны баасан, бямба, ням гарагийн тоглолтын тасалбарыг нь бөөндөн авч өгч ахмадуудаа ойрын хэдэн жил байгаагүйгээр харж үзсэн шинэлэг үйл явдал боллоо. Инээд хөөрөөр бялхаж, баяссан ахмадууд энэ удаагийн Орон нутгийн сонгуульд хуучны “улаан коммунистууд” шиг морь, нохой мэт хүчин зүтгэж, орон нутагт намаа ялуулахын төлөө идэвхийлэн оролцохоор бэлтгэл ажилдаа оржээ.

Нэг талаар Сонгуулийн хуулийг зөрчөөгүй, зөвхөн ахмад настангуудаа баярлуулсан энэ үйл явдлыг “Шинэ үе” продакшны захирал Бооёо буюу Н.Ариунболд, УИХ-ын гишүүн Х.Баттулга нарын санаачлага хэмээн хардах нэгэн байгаа ч инээдээр дайлсан намынхаа удирдлагуудад ахмадууд нэн баяртай сууна.