зогсоох шийдвэр гаргасан. Эдгээр барилгуудын дотор Чингэлтэй дүүргийн нэгдүгээр хорооны 40 мянгатын 40, 41 дүгээр байрны ард УИХ-ын гишүүн Г.Баярсайханы мэдлийн гэх барилга баригдаж байгаа ажээ. Гэтэл энэхүү барилга тэр хавийн орон сууцны цонхнуудыг хаах учраас оршин суугчид бариулахгүй гэж эсэргүүцэн тэмцсэн учир уг барилгыг цаашид бариулахгүй гэсэн шийдвэрийг хотын захиргаанаас гаргажээ.

Харин үүнээс болж хотын дарга Э.Бат-Үүл, УИХ-ын гишүүн Г.Баярсайхан нар барьцалдаж, энгэр замаа уралцжээ. Зөвшөөрөлгүй барихыг завдсан барилга УИХ-ын гишүүн Г.Баярсайханых мөн үү гэдгийг албаны эх сурвалжаас тодруулахад, “Юнайтад бизнес” компанийн нэр дээр байдаг. Бид иргэдийн санал гомдлын дагуу уг барилгын хашааг нь нурааж, ухсан газрыг нь булсан. Энэхүү компани нь Г.Баярсайхан гишүүний нэр дээр байдаг” гэв.

Чингэлтэй дүүргийн Засаг даргын 2008 оны зургадугаар сарын 13-ны өдрийн шийдвэрээр “Юнайтед бизнес” компанид тухайн газрын эзэмших гэрчилгээг олгосон байна. Гэхдээ газрын маргаан үүсэх үед газар эзэмших гэрчилгээг цуцалсан бөгөөд Нийслэлийн газрын алба барилга барих эрхийг нь ч цуцлахаар төлөвлөсөн байж. Энэхүү шийдвэрүүдийг Э.Бат-Үүл  батламжилсан нь Г.Баярсайханд заамдуулахад хүргэсэн бололтой.

Өмнө нь төрийн ордонд УИХ-ын гишүүн У.Хүрэлсүхийн өмнөөс салаавч гарган улмаар түүнийг заамдаж байгаад ухамсарын шанаа авсан Г.Баярсайхан ийнхүү намынхаа нөхөрт арай шанаадуулалгүй салжээ.