Сүхбаатар дүүргийн шүүхэд өглөө 10.30 цагийн орчимд эхэлж, улмаар 13.30 цагт завсарлаад байсан МАХН-ын дарга Н.Энхбаяр нарын дөрвөн хүнд холбогдох хэргийг шүүх бүрэлдэхүүн хурлыг үргэлжлүүлэхээр танхимд орсон билээ. 

Улсын яллагч Е.Сагсай, О.Мөнхбаатар нар яллах тогтоолоо танилцуулсаны дараа хурлын мэтгэлцээнийг үргэлжлүүлсэн юм.

Түүний шүүх хурлыг нээлттэй явуулсан бөгөөд хуралд даргалагч шүүгчээр С.Соёмбо-Эрдэнэ, шүүгчээр М.Алдар, С.Оюунчимэг, өмгөөлөгчөөр С.Нарангэрэл, Б.Сайнгэрэл, Г.Оюунцэцэг, Л.Өлзийхүү, Ц.Цэрэнжээ, К.Бауржин, улсын яллагчаар Ё.Сагсай, О.Мөнхбаатар нар оролцсон.Харин Н.Энхбаяр үүнд “Яллах дүгнэлтийг сонслоо. Үүнээс намайг яллах биш цагаатгах байр суурьтай байгаа юм биш үү. Би яллах дүгнэлт талаас нь ойлгохгүй байна. Намайг цагаатгах гээд байгаа юм биш үү. Тайлбарлаад өгөөч” гэв. Үүнд улсын яллагч О.Мөнхбаатар “Яллах тогтоолыг танилцуулснаар шүүх хурлыг мэтгэлцээн эхэлж байгаа” гэв.

Н.Энхбахяр шүүх хурлын  үеэр телевизийн тоног төхөөрөмжийг хувьдаа завшсан гэх хэргийн талаар тайлбарлахдаа, Монгол Христийн телевиз ихээр гарч байгаа үед Буддын шашныг аврахаар Японы тусламжаар ирсэн техник төхөөрөмжөөр телевиз байгуулсан гэж ярьсан байв.

Тэрээр мөн Монголын эзэнт гүрний талаарх номоор өөрийг нь яллаж байгаад харамсалтай байгаагаа илэрхийлэн энэ бүтээлээр Монголыг дэлхийд гаргасан гэж ярьснаас гадна өөрийн бичсэн 8 боть номыг андуураад МИАТ-аар энэ номуудыг тээвэрлэн авчирсан гэж яллаж байгааг үгүйсгэжээ.

Тэрээр харин өөрт тулгаад буй бас нэг хэрэг болох ган бөмбөлөгийн талаар ямар ч зүйл ярьж байгаагүй гэж ярьсан юм. Бүх юмыг Энхбаяртай битгий холбооч ээ. Энхбаяр танилтай байж болохгүй, туслахгүй байх ёстой, дүү нар нь бизнес хийх эрхгүй гэсэн хуультай мэт байгааг тэрээр шүүмжилжээ.

Үүнээс гадна тэрээр хэлж буй үгэндээ алдаа гаргаж байсан ч тулгаж байгаа зарим хэргийг өөрт хамааралгүй гэж хэлсэн юм.

Үүний дараа шүүх хурал 16 цаг 30 минутад дахин завсарлага авлаа.

Таньд манай сайт таалагдаж байвал LIKE хийнэ үү. Баярлалаа