Сэтгүүлч Douglas shoen-ий “Forbes” сэтгүүлийн 2012-06-09-ний дугаарт гаргасан нийтлэлийг орчуулан хүргэж

байна. Уг нийтлэлийг Н.Энхбаяр  захиалан бичүүлсэн гэнэ.

Монгол Улсын ерөнхийлөгч Ц.Элбэгдоржийн хэлснээс үзэхэд улс төрийн хүчтэй өрсөлдөгч болох Н.Энхбаярыг  сонгуульд оролцуулахгүй гэсэн санаа цухуйж байгаа гэж олон улсын эх сурваалж мэдээлж байна. Учир нь засгийн газар томилдог сонгуулийн хороо Н.Энхбаяр болон түүний хүү Э.Батшугар нарыг үл ялих шалтгаанаар 2012 оны УИХ-ын  сонгуульд оролцуулахгүй болгосон. Н.Энхбаярт түүнтэй холбогдолтой шалгагдаж байгаа хэрэг нэг тийшээ шийдэгдэхээс нааш сонгуульд оролцох эрх олгохгүй гэж шийдвэрлэжээ. Харин   Э.Батшугарыг цэргийн алба хаагаагүй гэдэг эргэлзээтэй шалтгаанаар сонгуульд оролцох эрхийг нь хассан байна.

Ерөнхийлөгч Ц. Элбэгдоржийн мэдэгдснээс харахад гэмт хэрэг үйлдсэн эсэх нь батлагдаагүй бол гэмт хэрэгтэн биш, Монгол Улсын иргэн сонгуульд нэр дэвшиж болно гэж үндсэн хуулинд заасан  эрхийг шууд уландаа гишгэсэн нь харагдаж байна. Энэ мэдэгдэл нь шууд ямар нэг байдлаар Н.Энхбаярыг  сонгуульд оролцуулахгүй гэж хэлж байгаатай агаар нэгэн болсон нь улстөрийн хүчтэй өрсөлдөгч Н.Энхбаярыг улс төрөөс шахан зайлуулах гэсэн арга гэж ажиглагчдад харагдаж байгаа юм.

Ерөнхийлөгч Ц.Элбэгдорж ямар нэг байдлааар сонгууль өнгөртөл Н.Энхбаярыг  иймэрхүү ойлгомжгүй үлгэн салган байдалд байлгахыг хүсч байгаа нь болж байгаа үйл явдлаас тод харагдаж байна. Учир нь Н.Энхбаяртай холбоотой хэргийн шүүх хурал нэг тийшээ шийдэгдэх яагаа ч үгүй байна.  Н.Энхбаяр  болон түүний өмгөөлөгч нар буруутгагдаж байгаа хэргийн баримт материалтай бүрэн танилцаагүй. Мөн тавдугаар сарын сүүл хүртэл Н.Энхбаярт түүнийг буруутгаж байгаа хэргийн материалыг зориуд танилцуулаагүй нь түүнийг сэжигтнээр хорьж цаг хожсон болж таарч байгаа юм. Энэ бүхнээс харахад ерөнхийлөгч Ц. Элбэгдорж ямар нэг байдлаар одоо болж байгаа үйл явдлаар бол Н.Энхбаярыг шүүх танхимд байлгаж байгаад сонгуулийг өнгөрөөх нь гэж дүгнэж болно. Өөрөөр хэлбэл Монгол Улсын гуравдагч ерөнхийлөгч Н.Энхбаярыг улстөрийн шалтгааанаар хэлмэгдүүлж байгаа юм. Учир нь ирэх Монголд болох ерөнхийлөгчийн сонгуульд Ц.Элбэгдоржийг ялах магадлалтай ганц хүчтэй өрсөлдөгч нь Н.Энхбаяр юм. Тиймээс Ц.Элбэгдорж эрх мэдлээ ашиглан эртнээс барын зулзагыг бага дээр нь дарж авч байгаа нь энэ бололтой гэж гадны ажиглагчид үзэж байна.

Эх сурвалж: http://douglasschoen.com/a-deeper-look-at-president-elbegdorjs-statement/