Монголчууд бидний тархи толгойг угааж, хэтэвчтэй хэдээс саах арга сүлжээний бизнесийг  цэцэглэн хөгжүүлэх  эх үндэсийг тавьсан хүн бол яах аргагүй “Орифлэйм”-ээр овоглосон Г.Оюунгэрэл гэх эмэгтэй.
Мань хүн Шведэд үйлдвэрлэдэг дэлхийд тэгтлээ алдаршаагүй чанартай, чанаргүй  хугацаатай, хугацаагүй нь үл мэдэгдэх гоо сайхны бараагаар эх орон нэгтнүүдээ сэгсэрч  Монгол улсын үндэсний баялагаас харийн иргэний халаасыг хангалттай хэмжээнд дүүргэж  хариуд нь өөртөө алтан билүү мөнгөн захирал хэмээх цол зүүж монголын баячуудын эгнээнд элссэн.  Сүүлийн хэдэн жилийг мань хүн улс дамнасан “сүлжээчин” компанийнхаа тэтгэлэгээр гадаад дотоодоор аялаж, галуу шувууны мах идэн, зугаацан цэнгэж Монголдоо барагтай л бол байдаггүй байсан. Тэгсэн УИХ-ын сонгуульд нэр дэвшигчдийн дунд ёстой тоон дотор үсэг цохиж явна гэдэг шиг юм болж эрхэм сүлжээчин Г.Оюунгэрэл  “үхрийн бөөр” эвслээс их хуралд санаархаж сууна.
Түүний сүлжээний гэх тодотголтой дамын наймаа нь багадсан юм уу? Эсвэл УИХ-ыг сүлжээний бизнестээ ашиглаж хөрөнгө зоорио арвижуулахыг санаархсан уу? Бүүр аль эсвэл харь эзэн нь халаасаа их хурлаар дамжуулан  зузаалахыг санаархаж мань хүнийг илгээв үү? Ямартай ч Монгол улс, монголын ард түмний төлөө гэхээс илүүтэй арай л өөр эрх ашгийн үүднээс   УИХ-ын энэ удаагийн сонгуульд Чингэлтэй дүүрэгт нэр дэвшээд сурталчилгаа хийгээд тууж явна.
Ямар ч бүтээн байгуулалт, бодит хөрөнгө оруулалт хийгээгүй, хийх ч үгүй гадны хулхи компанийн “алтан, мөнгөн” захирал манай улсын парламентэд сууж хууль баталцаж та бидний төлөө зүтгэх юм гэнээ. Орчин цагийн бас гоймонд дурласан чөтгөрийн нэг шинэ  үлгэрийг ийн  эхлүүлэв бололтой.
Эсгий хийх газар нохой хүүхэд хэрэггүй Сэрүүн зүүднээсээ сэрж үз  орифлеймчин Г.Оюунгэрэл ээ!!!
www.uls.mn Н.Сээбэр