-ПРОКУРОР, ЦАГДААГИЙН ЕСӨН АЛБАН ТУШААЛТАН ХӨРӨНГӨ ОРЛОГОО ХУДАЛ МЭДҮҮЛСЭН НЬ ТОГТООГДОВ-

Авлигатай тэмцэх газрын Хяналт шалгалт, дүн шинжил­гээ­ний хэлтсийн дарга, эрхэл­сэн комис­сар Ж.Батсайхан, тус хэлт­сийн ахлах ажилтан Б.Энхтуяа, ажилтан П.Бил­гүүн нар албан тушаалт­нуудын хөрөнгө, орлогын мэдүүлгийн хяналт шалгалт, дүн шинжил­гээний дагуу хий­сэн аж­лын­хаа талаар өчиг­дөр сэтгүүлч­дэд мэдээлэл хийлээ.

Энэ оны  эхний таван сарын байдлаар гааль, мэр­гэжлийн хяналт, газрын алба, аймаг, нийс­лэлийн Засаг дар­гын Тамгын газар, шүүх, про­курор, цагдаагийн бай­гуул­лагын нийт 70 албан тушаал­танд хөрөнгө, орло­гын мэ­дүүл­гийн зөрчлийн чиглэлээр ха­риуцлага тоо­цуу­лахаар ал­бан бичиг хүр­гүүл­жээ. Үүнээс өнөөдрийн байдлаар 58 албан тушаал­танд хариуц­лага тооцуулаад байгаа аж. Мөн 33 албан тушаалтанд сануулах, 19 албан тушаалт­ны цалинг бууруу­лах, хоёр албан ту­шаалт­ныг халах, нэг албан тушаалтныг огцруулах арга хэмжээг авчээ. Түүнчлэн  нэг албан тушаалтныг торгох, хоёр албан тушаалтанд ан­хаа­­руулах арга хэмжээг авсан байна.

Энэ хяналт шалгалтын үйл ажиллагааны явцад за­рим УИХ-ын гишүүн хөрөнгө орло­готоо гарч буй өөрчлөлт орло­гын талаар үнэн зөв мэдүү­лээгүй байсан нь илэр­сэн байна. Тухайлбал УИХ-ын гишүүн Ц.Цэнгэл, Х.Ба­дам­­сүрэн, Л.Гүн­далай, А.Тлей­­хан, С.Оюун, Д.Арвин нарын хө­рөнгө, орлогын мэ­дүү­лэг зөр­чилтэй байжээ. Иймд Авлигын эсрэг хуулийн 13 дугаар зүйлийн 13.2 дахь хэсэгт заас­ны дагуу Улсын Их Хурлын Ёс зүйн дэд хороонд шалгуу­лахаар Авлигатай тэм­цэх газ­раас албан тоот хүр­гүүлсэн  байна.

Мөн шүүх, прокурор, цаг­даа­­гийн байгууллагын албан тушаалт­нуудын хөрөнгө, ор­ло­гын мэдүү­лэгт хяналт тавьж, нэр бүхий албан ту­шаалт­нуудын хөрөнгө, орло­гын мэ­дүүл­гийг нарийвчлан шалга­хад нэлээд зөрчил ду­таг­дал илэрсэн. Жишээлбэл, Дорно­говь аймгийн прокуро­рын газ­рын сум дундын ах­лах проку­рор Ц.Дангаа­сүрэн, Дархан-Уул аймгийн проку­рор Б.Даш­ням, Нийс­лэлийн цагдаа­гийн газрын дэд дарга байсан А.Эрдэнэ­баяр, Дар­хан-Уул айм­гийн цагдаагийн газрын Замын цагдаагийн тасгийн дарга Б.Бат­тулга, мөн аймгийн цаг­даагийн газрын Хэрэг бүрт­гэх тасгийн дарга Д.Ганзориг, Чингэлтэй дүүр­гийн цагдаа­гийн хэлтсийн дарга Б.Амга­лан­баатар, Баян­гол дүүргийн цагдаагийн хэлтсийн дарга Н.Амар­заяа, Төмөр зам дахь цаг­даа­гийн хэлтсийн дарга Ц.Энхсай­хан, Замын цагдаа­гийн газрын Эрүүгийн хэрэг бүртгэх, мөр­дөн байцаах хэлт­­сийн дарга С.Мөнх­тамга нараас зөрчил илэрсэн бай­на. Дээрх хүмүүс өөрийн болон гэр бүлийн гишүүдийн өмчлөлд байгаа хөдлөх, үл хөдлөх хөрөнгө (орон сууц, автомашин, ком­пани, хуулийн этгээдийн хувь, хувьцаа эзэм­шил), тодорхой орлого, зээл, хөрөнгө, орло­год орсон их хэмжээ­ний өөрч­­­­лөлтийг мэдүү­лээгүй тул зөрчил гэж үзсэн байна. Иймд Авлигын эсрэг хуульд заасан хариуц­лага тооцуула­хаар Авлига­тай тэмцэх газ­раас шийдвэрлэж, арга хэм­жээ авахуулахаар Улсын ерөн­­­хий прокурор болон Цаг­даа­гийн ерөнхий газрын даргад хүргүүлжээ.

Албан тушаалтнуудын хөрөнгө, орлогын мэдүүлгийг Авлигын эсрэг хуулийн 13 дугаар зүйлийн 13.1-д заас­ны дагуу хянах, дүн шинжил­гээ хийх ажлыг тус газрынхан явуулж, түүнээс гарсан мэ­дээ­лэлд үндэслэн хууль тогтоом­жийн хэрэг­жилтийг хангах тодорхой ажлуудыг зохион байгуулж байгаа юм байна. Авлигын эсрэг хууль шинэч­лэгд­сэнээр хөрөнгө, орлогын мэдүүлэг­тэй холбоо­той гарч буй зөрчил нь хууль бусаар хөрөнгөжих авлигын зөрчил болон гэмт хэргийн шин­жийг агуулж байгаад Ав­ли­гатай тэмцэх газраас ан­хааран ажиллаж байгаа гэнэ.

Г.ТАНА

ӨДРИЙН СОНИН-МЭДЭЭ.МН