Ар Монголын алдарт дуучин, ах дүү гурван мангасын толгойлогч “Харанга”-ын Х.Лхагваад ард түмэн нь дэндүү хайртай. Аргагүй авьяасын өмнө толгой бөхийхдөө төрсөн ах, дүүсээс нь дутуугүй санаа тавьж, сэтгэл чилээдэг нь үнэн. Анхны гэргий Сугармаагаасаа салсанаас хойш амьдрал нь нэг л тогтож өгөхгүй байсан дуучны сүүлчийн жинхэнэ хайр Г.Ганбаяр хэмээх бүсгүй “Гранд” анхдан танилцуулж байсан билээ. “Ногоон” Маралааг тооцвол  албан ёсны гурван эхнэртэй түүнийг “аав”-ынд орж, амьдралд хөл алдаж, гандаж гундаж явахад чухамдаа Ганбаяр хэмээх энэ бүсгүй хүн ёсны халуун сэтгэл гаргаж, өдөр бүр шахам Ганцхудагт эргэж тойрон сэтгэлийн их дэм өгч байсан гэдэг. Хүний мөс чанар танигддаг тэр л цаг үед амьдралын зовлон дунд олсон ханиа алдарт дуучин маань миний сүүлчийн жинэхэнэ хайр хэмээн онцлон ярьдаг нь ийм учиртай. Англи хэлний багш Гага нэгэн дунд сургуульд мэргэжлээрээ ажиллаж байсан бөгөөд өдгөө нөхрийнхөө ятгалагаар ажлаасаа гарсан аж. Юбкатай цагдаа, халуун хайрын эзэндээ би чамайг юугаар ч дутаахгүй хэмээн эрхлүүлэхдээ “Харанга”-ын Лхагваа ажлаас нь гаргасан гэнэ. Урлагийн төлөө чин халуун сэтгэлтэй, илүү дутуу шунал хүсэлгүйдээ л билэг танхай, ажин түжин амьдарч яваа эрхэм дуучинд юм мэддэг, сайныг үнэлж чаддаг хүмүүс гар татахгүй тусалдаг бөгөөд хамгийн сүүлд гэхэд л манай нэгэн нэртэй бизнесмэн эр байр бэлэглэж нүнжгээ гайхуулсан сурагтай. Одоо л нэг амьдралын мөн чанарыг ойлгож, жинхэнэ амьдралын амтыг мэдэрч суугаа ар Монголын алдарт дуучин сүүлчийн хайрын эзэн бүсгүйгээсээ голомтыг нь сахих хүү хүлээж байгаа гэсэн шүү.