төлөөлөл өчигдөр МАН-ын “Тусгаар тогтнолын ордон”-ы үүдэнд С.Баяр, Ц.Мөнх-Оргил нарыг сонгууль нэр дэвшихийг эсэргүүцэн жагслаа. Тэд “Долдугаар сарын 1”-ны хэрэг шийдэгдэх хангалттай хугацаа өнгөрсөн ч хэрэг шийдэгдээгүй явж байна. Хэзээ нэгэн цагт цагдаагийн албан хаагчид тушаал өгсөн хүнээ хэлэх болно. Тэр цагт С.Баяр, Ц.Мөнх-Оргил нар УИХ-ын халдашгүй байдалд орчихсон байх талтай. Тиймээс тэднийг УИХ-д нэр дэвшүүлэхгүй байх шаардах бичгийг МАН-ын нарийн бичгийн дарга Я.Содбаатарт өгсөн юм. Түүний шаардах бичгийг авахаар гарч ирэх үед үймээний үеэр хүүгээ алдсан Д.Үржигсүрэн “Долдугаар сарын 1-ний хэрэгт танай нам буруутай. Тиймээс танай намын нэр хүнд шалдаа ортол унасан. Олигархиуд аа, та нар ялагдана. Та нарыг хэн ч сонгохгүй” хэмээн бухимдсан аж.
Эрүүл нийгэм иргэний хөдөлгөөний тэргүүн Б.Хосбаяр: Буудах тушаал хэн өгсөн нь тодорхой. С.Баяр, Ц.Мөнх-Оргил хоёр энэ хэрэгт холбоотой байж таарна. Үймээнээс хойш дөрвөн жил өнгөрлөө. Бид энэ асуудлыг олон жил ярьж байгаа ч эрх баригчид хариу өгсөнгүй. Хохирогчдын ар гэрийнхэн төрд үнэхээр гомдолтой байна.
Миний монголын газар шороо хөдөлгөөний тэргүүн П.Болд: С.Баяр 2008 оны долдугаар сарын 1-нд байрнаасаа гараад ирсэн бол үймээн болохгүй байсан.
Тэд шаардлагынхаа хариуг 25-ны дотор авсан ба энэ хугацаанд хариу өгөхгүй бол тэмцлийн дараагийн хэлбэрт шилжинэ гэсэн юм. Мөн С.Баяр, Ц.Мөнх-Оргил нарыг сонгууль нэр дэвшүүлбэл СЕХ-ны байрны өмнө өлсгөлөн зарлана гэв.