Д.Батхуягийг АМГ-ын даргаар томилох асуудлыг С.Баяр шийдэж өгсөн гэдэг. Түүнийг ашигт малтмалын 192 тусгай зөвшөөрөл хууль бусаар олгосон хэрэгт буруутгаад байгаа. Энгийн логикоор бодоход 192 лицензийг зөвхөн Д.Батхуяг гэдэг “том толгойтой” нөхөр бүгдийг нь ганцаараа  шийдээд өгчихөөгүй нь тодорхой. Өмнө нь АТГ-аас шалгаж байгаад гэнэт хэрэгсэхгүй болгосон явдал үүнийг бэлхнээ нотолно. Түүний ард С.Баяр тэргүүтэй хэд хэдэн нөхөд бий гэлцдэг. АМГ-ын дарга асан Д.Батхуягийг мэдүүлэг өгч эхэллээ гэсэн шумтай давхцан өнгөрсөн баасан гарагт экс ерөнхий сайд С.Баяр АНУ-руу гэнэт л нисчихэв. Өмнө нь хэн байснаас үл хамаарч байгаа АТГ-ын баривчилгаа нэгийг бодуулж хоёрыг тунгаалгасан юм болов уу. Сүүлийн үед байгаа байхгүй нь мэдэгдэхээ байсан экс ерөнхий сайдын хувьд байдал эвгүйтээд ирэхээр түр “зай авсан” юм биш байгаа гэх хардлагыг эрхгүй төрүүлээд байна. Хэрвээ Д.Батхуяг үнэнийг “ярьж” эхэлсэн бол С.Баяр зугатах нь зөв. Тэгэхгүй бол Н.Энхбаярын адил хувь заяа хүлээж байхыг үгүйсгэх аргагүй юм. АМГ-ын дарга асан Д.Батхуягыг дахин шалгах болсоны шалтгааныг тусгай зөвшөөрөл авсан Солонгосчуудын зүгээс гарсан гэж хэлэх ч эх сурвалж байна. Баттай эсэхийг 100 хувь гэж хэлж чадахгүй ч үнэний ор үнэртээд байх шиг. Солонгосчуудад зуучилсан хүн нь С.Баяр сайдын маш ойрын хүн гэх юм билээ. Хэрвээ үнэн бол АМГ-ын дарга асаны баривчилгаа олон хүнийг хөлдөө чирэх бололтой. Зарим нэг нь эхнээсээ зугатаж байгаа юм биш биз гэх хардлагыг С.Баярын АНУ-руу ниссэн явдал нэмлээ.