“Шинэ-үе” продакшны захирал, МУГЖ Н.Ариунболд буюу Бооёо хошин урлагийнхан дотроо нэлээн чадварлаг, хөдөлмөрч нэгэн. Монголын хошин урлагийн дунд үед тооцогддог тэрээр өнгөрсөн 4 сарын 1 буюу Олон Улсын Инээдмийн баярын өдөр гавъяат жүжигчин цол тэмдэгээр энгэрээ цоолуулаад байгаа. Бусад жүжигчдээ бодвол нэлээд хөрөнгөтэй гэгддэг тэрээр саяхан шинэ байрандаа орсон. Тэрээр энэхүү хаусаа 1.5 тэрбумаар худалдаж авсан бөгөөд гэрийнхээ дотоод засал чимэглэлд чамгүй анхаарч орчин үеийн загвар хийцийн тавилга сэлтээр орон гэрээ тохижуулаад байгаа гэнэ лээ. Энэхүү хаус нь хэдэн өрөө ч биш, арав гаруй өрөөтэй тансаг хаусыг өдөр бүр цэвэрлэж, үр хүүхдээ асарч өсгөхөөс эхлүүлээд эхнэрт нь өч төчнөөн ажил ундрах нь тодорхой. Харин гавьяат маань авааль гэргийнхээ амрыг бодож ард талдаа найдвартай зохицуулахын тулд эхнэртээ хоёр ч гэрийн үйлчлэгч авч өгч магнайг нь тэнийлгэжээ.

Д.Отгон  secret