“Эрэл”-ийн Б.Эрдэнэбат хэмээх монголын толгой баячуудын нэг болох эрхэм УИХ-ын гишүүн байх хугацаандаа хийсэн бүтээснээсээ илүүтэйгээр хүүгийнхээ дуулиант амьдралаар хэвлэлийн баатар болоод байсан. Түүний орыг залгах ганц хүү Э.Жаргалан нь монголын сор болсон мисс бүсгүйчүүдийг ёстой л солих шиг болсон. Алтны магнат Ц.Мянганбаярын гэргий Ариунцэцэгээс эхлээд олон сайхан бүсгүйчүүдтэй нэр холбогдож явсан тэрээр саяханыг хүртэл охид бүсгүйчүүдтэй зугаацаж энд тэнд шуугиан тарьдаг байсан. Бизнесмэн аавын буянаар багаасаа эдийн дээдийг эдэлж, хэрэглэж байсан түүнийг хүрээлэх сайхан хүүхнүүд ч мундахгүй олон. Харин аавынхаа араас улстөрд орох туйлын хүсэлтэй тэрээр сүүлийн үед нэлээд томоожоод байгаа төдийгүй ирээдүйн ханиа ч сонгосон бололтой. Түүний энэ удаагийн сонголт “Монгол модель” агентлагийн загвар өмсөгч Буджаргал гэх өвөрмөц төрхтэй бүсгүй аж. Тэрээр өнгөрсөн жилээс эхлэн “Алтай кашмер”-ийн нүүр царай болсон бөгөөд нэлээд олон реклам сурталчилгаанд тоглож олны танил болоод байгаа сүүлийн үеийн нэр хүндтэй моделиудын нэг юм.

Н.Хувьзаяа secret