Ардчилсан Намын дарга Норовын Алтанхуяг танаа!

Намайг Б.Аззаяа гэдэг. Би нялх нойтон насанд хүрээгүй хүүхдүүдтэй, амьдралынхаа төлөө зүтгэж яваа Монголын жирийн нэг өрх толгойлсон бэлбэсэн эх хүн.

Танд хандаж буй учир нь: 2009 онд нас барсан миний нөхөр Ш.Мөнхбатын нэр дээр байдаг Баянгол дүүргийн 20-р хороо, үйлдвэрийн баруун бүс, Москвагийн гудамж-35 хаягт байрлах үл хөдлөх эд хөрөнгийн 0000111186 дугаар гэрчилгээтэй өмчийг маань таны зөвлөх, Магнай трейд ХХК-ийн хуулийн хэлтсийн дарга албан тушаалтай, танай намын үндэсний зөвлөлдөх хорооны гишүүн Түмэнбаяр овогтой Нямдорж 2011 оны 3 дугаар сард хууль бусаар булаан авснаас болж, өнөөдөр хууль хяналтын байгууллагын үүд сахиад, өмч хөрөнгөндөө орох, ашиглах, буодын халдлагаас хамгаалах зэрэг Үндсэн хуулиар олгогдсон эрхээ эдэлж чадахгүй, ядарч туйлдаж яваа тул таньд хандаж байна.

Хууль хяналтын байгууллагын шударга ажилтнуудын сэтгэл, хуулийн дагуух ажлын үр дүнд Т.Нямдоржийн хууль бус балмад танхай үйлдлүүд нь эхнээсээ тогтоогдож, Баянгол дүүргийн шүүхийн 2012 оны 91 дүгээр шийдвэрээр түүнд эрүүгийн хуулийн 99.2, 151.3-д заасан торгох ял оногдуулсан, мөн өмч хөрөнгийг хууль бусаар авсан асуудлыг хуулийн байгууллага шалгаж байгаа тул би таньд энэ асуудлаар нь бус харин таныг Т.Нямдорж гэгч хуульч, өмгөөлөгч нэртэй, өндөр албан тушаалтнуудад бялдуучилж, зальт үнэг мэт харагдаж хуурдаг, ядарсан над шиг эхэд хүн ёсонд баймааргүй балмад танхай үйлдэл хийж, хүч түрэмгийлэн дээрэлхэдэгийг нь баримтаар нотолж нэг талдаа таныг Т.Нямдоржийг буруу таниж, залинд нь орж ашиглагдаж, төр түмний төлөө зүтгэх үйлсээ сэвтүүлэхгүй байх, нөгөө талаар Монгол эр хүн, эхнэр хүүхдээ хайрладаг өрхийн тэргүүний хувьд надад тохиолдсон асуудлыг анхааралтай шударгаар судлан үзэж, наад Т.Нямдорждоо болж өгвөл хэлж өгч, өөрийн танил тал, нөлөөллөөрөө балмад этгээдийг хамгаалсан үйлдэл бүү хийгээрэй, түүнд битгий хуурдаж ашиглагдаасай гэж аргагүй ядарч зовж буй эх хүн, эмэгтэй хүний хувьд танаас гуйх гэсэн юм.

Миний танд бичиж буй зүйл үнэн гэдгийг нотлох үүднээс интернетийн …………………сайтад таны зөвлөх гэсэн үнэмлэх үзүүлж, нэрийг тань барьж явдаг Т.Нямдорж гэгч бусармаг этгээд шүүх, хуулийн байгууллага, жирийн иргэн хүнийг хэрхэн дорд үзэн, дээрэлхэж, хүссэнээрээ зодож, танхайрч, балмад аашилдгийг нь баталгаажуулсан бичлэгийг тавилаа.

Дахин танаас хүсэхэд энэхүү бичлэгийг заавал үзэж ямар хүн нэрийг чинь бариад, нэр хүндийг чинь сүйдэлж явдгийг өөрийнхөө нүдээр үзээрэй. Ийм ёс зүй, ухамсартай хүн Монгол улсын төрийн бодлогыг тодорхойлж, эрхийг барилддаг намын үндэсний зөвлөлдөх хорооны гишүүн, тэр дундаа таны зөвлөх гэж явдагт үнэхээр харамсаж байна.

Хан-Уул дүүргийн иргэн Баатаржав овогтой Аззаяа