Монголын улс, төр бизнесийн хүрээнийхний дунд “Симба” гэдэг энэ нэр тун содон тусдаг.

Харамсалтай нь тэд нэг их сайнаар дурсагдаж чадахгүй л байна “Симба” хочит Батаа Ми-8 нисдэг тэрэг унагааж, түүний дүү Батсайхан Тариалан эрхлэлтийн сангийн мөнгөөр хувийн бизнесээ дэмжсэн асуудалд холбогдсон. Харин Симба Батаагийн бага дүү Бат-Энх зодоон нүдээн, мөрийтэй тоглоомын асуудалд байнга нэр холбогддог.

Ц.Бат-Энх “ГОК-ийн Хүний хөгжлийн асуудал хариуцсан захиралаар томилогдоод багагүй хугацааг элээж байна. Солонгост казино тоглож, их хэмжээний мөнгө алдсан гэдэг хэл аманд орооцолдоод байгаа Ц.Бат-Энхийн хувийн амьдрал ч бас хөдөлгөөнтэй л байгаа бололтой. Тэрбээр “С1″ телевизийн хөтлөгчөөр ажиллаж, “Өдөн дэр” нэвтрүүлэг хөтлөж, камерийн өмнө хагас нүцгэлж, олны анхаарлыг татаж байсан нэвтрүүлэгч бүсгүйтэй амрагийн холбоотой болсон аж.

Зулаа гэх энэ бүсгүй Хятад хэлний мэргэжилтэй, дөнгөж оюутан    болсныхоо дараахан Монголын тэргүүн баячуудын нэг МАК-ын захирал Нямтайширын хүү
Номтойбаяртай хамт амьдарч байсан аж. Хоёр жил нэг гэрт амьдарсан ч залуу хосуудын хувийн амьдрал бүтэлгүйтсэн аж. Олны анхаарлыг татах дуртай залуухан бүсгүй ирээдүйн хадмуудынхаа таалалд нийцээгүй учраас хосууд хоёр тийш болсон гэж тэдний амьдралыг сайн мэдэх хүмүүс ярьдаг юм билээ.

Өдгөө Хөдөлмөр, Нийгмийн хамгааллын дэд сайдаар ажиллаж байгаа Н.Номтойбаярын экс эхнэр Зулаа ГОК-ийн Хүний хөгжлийн асуудал хариуцсан захирал Ц.Бат-Энхтэй нэг гэрт амьдрахаар сүй тавьж магадгүй хэмээн найзууд нь ярьж байна. Харамсалтай нь Эрдэс баялаг, эрчим хүчний яамны Төрийн нарийн бичгийн дарга байхдаа нэгэн ажилтныхаа нармайг нь нээж байсан огцом, түргэн зантай Ц.Бат-Энх урьд нь топ модель Пүүжээтэй нэр холбогдож байсан удаатай.

Тиймээс Ц.Бат-Энх, нэвтрүүлэгч бүсгүй хоёрын хайр сэтгэл, хамтын амьдралыг удаан үргэлжилнэ гэдэгт итгэх хүн тун цөөхөн байна.

Эх сурвалж: “Тэргүүн” сонин