Л.ХЭРЛЭН

Ерөнхийлөгчийн сонгуульд нэр дэвшин өрсөлдөж буй Х.Баттулга “Зөвхөн Монгол HD”  телевизээр  л зохион байгуулах мэтгэлцээнд оролцоно гэсэн бол АН  “МОНРТ-ээр явуулах  мэтгэлцээнд манай нэр дэвшигч оролцохгүй. Энэ бол нэг талыг барьж,  эрх баригчдын гар хөл болдог телевиз” хэмээн мэдэгдсэн. Үүгээрээ Ардчилсан нам эрх барьж байхдаа МҮОНРТ-ийн удирдлагад  туслах, зөвлөхөөс эхлэн намынхаа улс төрийн ажилтнуудыг томилж,  тус телевизийг  хэрхэн өөрсдийн гар хөл болгон ашиглаж байснаа хүлээн зөвшөөрлөө.  АН-ын зүгээс өдгөө эрх барьж байгаа Ардын намынхан МҮОНРТ-ийг Ардчилсан намын үед ямар байсан,яг түүн шиг болгочихсон  байгаа хэмээн хардаж, мэтгэлцээнд оролцохгүй гэж байна. АН-ын үед тус телевиз хамгийн их улстөржсөн газар болж хувирсан нь ч үнэний ортой. Үүнийг өнгөрсөн намар УИХ-аас  томилогдон тус газарт шалгалт хийсэн Ажлын хэсэг Төрийн байгуулалтын байнгын хорооны хуралд танилцуулж байв.

Эх сурвалж: www.polit.mn