Төрийн өмчийн хорооны даргаар ажиллаж асан, өдгөө Үндсэн хуулийн цэцийн гишүүн Д.Сугир “Эрдэнэт”-ийн хувьчлал хууль бус байсан эсэхийг шалгах ажлын хэсгийг тэргүүлэхээр шийдвэр гарсан бололтой. Мөн ч дампуухан шийдвэр энэ болох байх даа. Хамгийн наад зах нь Жаст” компанийн захирал Ш.Батхүү хэдэн жилийн өмнө Өмнөд Африкийн “Стандарт” банкнаас 109 сая ам.долларын зээлийг авсан. Үүнийг авахдаа тухайн үеийн Төрийн өмчийн хорооны дарга Д.Сугарын цохолтоор уулын баяжуулах “Эрдэнэт” үйлдвэрийн захирал асан Ч.Ганзоригийн гарын үсэг бүхий баталгаа гаргуулж, зэсийн баяжмалаар барьцаалан уг зээлийг  “Стандарт” банкнаас “Жаст” компанийн нэр дээр авсан гэдгийг бүгд мэднэ биз дээ. Гэтэл уг зээлээс Ш.Батхүү ердөө зургаан саяыг нь төлж, үүнээс хойш “Стандарт” банкинд ямар ч зээлийн төлбөр хийгээгүй өнөөдрийг хүрчээ. Улмаар энэ оны тавдугаар сарын 20-доор “Стандарт” банкны төлөөлөгчид Монголд ирж, “Эрдэнэт” үйлдвэрийн өнөөгийн удирдлагуудад зээлийн баталгааг нь үзүүлж, зээлийн төлбөрийг шаардсан юм.

Одоо тэгэхээр Д.Сугир өөрийнхөө тарьсан балгийг очиж баллуурдахаар “Эрдэнэт”-ийг шалгах Төрийн томилолт авсан хэрэг үү гэж бодогдохоор байна. Үнэн хэрэгтээ “Стандарт” банкнаас Ш.Батхүү зээл авах замаар хөөцөлдсөн болохоос биш “Эрдэнэт”-ийг Төрийн өмчийн хороог толгойлж байсан Д.Сугир барьцаалсан юм байгаа биз дээ.

Албан мэдээллийг тодруулвал, “Эрдэнэт” үйлдвэрийн 49 хувийг Монголын талд авсан шийдвэр нь Үндсэн хууль зөрчсөн эсэхийг тогтоохын тулд шалгалт явуулж байгаа бөгөөд энэ асуудлыг Үндсэн хуулийн цэцийн гишүүн Д.Сугар хариуцжээ. Хэрэв Үндсэн хуулийн цэцийн шалгалтаар “Эрдэнэт” үйлдвэрийн 49 хувийг төрийн мэдэлд авсан нь маргаан үүсгэх шаардлагатай асуудал гэж үзвэл Үндсэн хуулийн цэц хуралдаж, шийдвэрээ гаргана” гэжээ. Мөн ч таагүй хэрэг гэж үүнийг хэлэх байх шүү.

Х.Баатар

Шуурхай.мн