Урьхан хаврын эгшиг хэмээх тоглолт маргааш 19 цагт  болно. Зохиолын дуучид хамтран ардын дууны тоглолт зохион байгуулж байгаа юм байна. Энэхүү нэгдсэн арга хэмжээнд дуучин Э.Оюумаа оролцох аж. Тэрбээр “Би Ээнээгээ  ийм үед үгүйлдэг юмаа. Тоглолтод  оролцох бүрт нэг л тийм  эзэнгүйрсэн юм шиг мэдрэмж төрдөг” гэж найздаа хуучилсан гэнэ лээ. Аргагүй ч үгүй бизээ. МУГЖ Бат-Эрдэнэ, Оюумаа хоёр олон ч дууг хамтдаа амилуулан олон түмэндээ хүргэсэн билээ. Бат-Эрдэнэ мэдлэг боловсролдоо анхааран гадаадад суралцаж буй. Тэд харилцаагаа хэдийнээ тасалж Оюумаа өөр залуутай болзох болсон гэнэ. Дуучин бүсгүй ээждээ би дахиж хэзээ ч гэр бүлтэй, хүүхэдтэй хүнтэй орооцолдохгүй, амьдралаа шинээр эхлүүлнэ гэж амалсан гэнэ лээ. Бат-Эрдэнэ дуучинтай хэсэг хугацаанд амьдрахад хадмууд нь тийм халуун дотноор хүлээж авалгүй, хуучин бэрдээ амь нэгтэй байж, хоёрын хоёр хүүхдээ өнчрүүлж болохгүй хэмээн зэмлэдэг байсан юм байх.

Х.Тэргэл www.times.mn