Нэг хэсэг исгэлэн жимснүүдийн бүрэлдэхүүнд байсан Б.Халиун бүсгүй сүүлийн үед уран бүтээлээрээ үзэгчидтэй уулзаагүй хэсэг хугацаа өнгөрсөн. Харин ард түмний хүсэн хүлээж үздэг дэлгэцийн бүтээл болох “Яг түүн шиг 2” шоугаар дуучин бүсгүй хэр авьяас чадвартайгаа сорьхоор уран бүтээлчдийн ирүүлсэн урилгыг тун ч таатай хүлээж авсан гэнэ. Дуучин С.Сэрчмааг дууриаж шоуны хоёр дахь дугаарын ялагч болоод байсан Б.Халиуны талаар эерэг болоод сөрөг мэдээллүүд сошиалаар нэлээн шуугиж харагдсан. Уяхан хоолой, туяхан биетэй ч биедээ баймгүй их эрч хүчийг үзүүлж уралдаан эхлээд удаагүй ч байхад түрүүг авч бас нэгэн хүчтэй оролцогч гэдгээ харуулсан билээ. Тэгвэл шоундаа нэлээд их ач холбогдол өгч үснийхээ өнгийг өөрчилсөн талаараа өнөөдөр өөрийн цахим хуудсаар мэдэгджээ. Эгэл даруу зан төрхтэй дуучин бүсгүй маань дараагийн дугаарт алдарт дуучин “Ариана Гранд”-ыг дуурайхаар бэлтгэлдээ ороод буй. Урт үстэй, царайлаг хийгээд чадварлаг хоолойтой үргэлжийн хагас нүцгэн хувцасладаг дэгжин бүсгүйг манай даруухан Халиун тайзан дээр хэрхэн амилуулах бол?

Эх сурвалж:Шуурхай.мн