Мэргэжлийн сvмогийн 68 дахь их аварга, нэгэн цагт дэлхийн сонорыг дэлдийлгэж, дээлтэй Монголын бахархал,

омогшил болж явсан Асашёорюv буюу Д.Дагвадорж маань Хєвсгєл аймгийн Шинэ-Идэр сумын харьяат улсын арслан Х.Мєнхбаатарын толгой руу яах аргагvй л хvйтэн мэс хvргэсэн болж таараад байна. Энэ мэдээлэл лхагва гаригийн “Єглєєний сонин”-д анх гарахад нь “Баримт, нотолгоогvй мэдээллийг арай л хамаагvй цацаж байна даа” хэмээн дотор сэтгэлдээ хvндэлж явдаг их аваргаа ємєєрєн бодож билээ. Тэгсэн чинь Хан-Уул дvvргийн цагдаагийн хэлтэст эхлэн шалгагдсан энэ хэрэг яах аргагvй vнэн болох нь “Єглєєний сонин”-ы єчигдрийн дугаарт гарсан мэдэгдлээр нотлогдлоо. Хан-Уул дvvргийн цагдаагийн хэлтсийн удирдлагууд тэрхvv ноцтой хэргийг нам дарсан нь ч илчлэгдэж байгаа юм. Нэр алдартай хэн нэгний хийсэн бусармаг, ноцтой хэрэг тэгсгээд нам дарагддагийн томхон нотолгоо нь их аваргын энэхvv танхайрал яах аргагvй мєн.

Хэзээнээсээ нvvдлийн мал аж ахуй эрхлэн хэдэн зуунаар амьдраад ирсэн Монгол зон эрдэнэт хvний тэргvvн рvv хутга далайх нь битгий хэл таван хошуу мал сvргийнхээ толгой руу хутга чиглvvлэхийг хам-гаас их цээрлэж “арван хар нvгэл”-тэй зvйрлэж ирсэн тvvхтэй. Тэгвэл Монгол тvмний хамгаас эрхэмлэн дээ-дэлж “босоо цагаан хийморь” сvлдэнд нь залбирч явдаг хvчит бєхчvvд маань сархдад самуурч, ухаанаа алдтал наргицгаасны эцэст гайгvй сайн гєвшилцєж хэзээний омголон зантай их аварга Д.Дагвадорж нан-чилдааныг зогсоох санаатай дунд нь зохицуулж байсан улсын арслангийн тэргvvнд мэс хvргэжээ янз нь. Энэ єдрийг хvртэл их аваргын талаархи элдэв хэл амыг чихнийхээ хажуугаар єнгєрvvлж “Иртэй, бяртай, аатай, омогтой жинхэнэ монгол эр хvн. Ямар ч байсан Д.Дагвадорж бол олон заяахгvй онцгой нэгэн” гэж дотор сэт-гэлдээ vргэлж тvvнийг ємєєрєн бодож хир халдаалгvй явсаар ирсэн.

Японы мэргэжлийн сvмогийн дээд зиндаанд 25 тvрvvлсэн амжилтаараа бvх цаг vеийн гуравдугаарт эрэмбэлэгдэж байсан их аварга Д.Дагвадорж 2010 оны хоёрдугаар сарын 4-нд гэнэтхэн мэдэгдэл хийж “Би энэ ертєнцєд болж бvтэхгvй олон юм хийж тєвєг учруулж байсан. Одоо миний санаа амарлаа” хэмээгээд сvмогоос зодог тайлахад хоолой гашуу оргиж, самсаа шархирч билээ. Сvvлд сонсох нь ээ урьд єдєр нь Токиогийн тєв дунд орших Юракучо дvvргийн нэгэн ресторанд хооллож суухдаа Монголыг Хятадын нэгэн муж хэмээн доромжилсон Японыг нам цохин унагаж монгол эр хvний ид хавыг гайхуулсан юм билээ. Тэр vед ч “Болж муу самуурайн vлдэгдэл. Хубилай хааны маань цэргvvд гурвантаа довтлон очиход далайн их давалгаа та нарт тус болоогvй бол монгол морины туурай тамгалах байсан даа наад муу жижигхэн арлыг чинь” хэмээн бодож их аваргынхаа ааг омог, хvч чадлаар омогшиж л байв. Бvр сvvлд манай нэгэн хvчит зааны эзэмшлийн ресторанд бєхчvvд наргиж суутал Д.Дагвадорж аварга гаднаас ороод ирж.

Тэгмэгц Улсын харцага Ц.Бэгзсvрэн ихэд танимхайрч “Єє миний дvv нааш ир. Дээшээ суу” гээд сvрхий хєл болж. Харин ааг омог нь бэлхэн явдаг их аварга маань ємнє нь хvмvvс рvv буудаж тавьтаргvй авирлаж явсан Ц.Бэгзсvрэн харцгыг “Чи муу хэдийдээ миний ах болчихсон юм бэ” гэнгvvтээ ганцхан цохиод унагачихсан гэдэг. Тэр хэл ам дэгдэх vед бас л их аваргыг ємгєєлєн “Микро автобус дvvрэн хvмvvс рvv буудан танхайрч байсан овилгогvй нєхєрт ганц сайн ухамсрын шанаа єгч дээ. Болж муу золигийг” хэмээн бодож байж билээ.
Харин энэ удаад Д.Дагвадоржийн хvйтэн мэс барин адилхан бєх нэгнийхээ тэргvvнд хvрсэн “арван хар нvгэл”-тэй vйлдлийг нь яагаад ч уучилж чадахгvй нь ээ.
Монгол хvн идэшний хонио гаргахдаа ч ирт мэсээ ихэд болгоомжтой хэрэглэж халуун хошуут малаа зовоохгvйг боддог. Хэдхэн жилийн ємнє мал муулна гэдэг нэлээн гайгvй цєс зоригтой залуучуудын хийдэг ажил байсансан. Одоо бол нийгэм цаг vеэ дагаад монгол хvний ёс жудаг, нинжин сэтгэл гайхаж дуу алдмаар, жигшиж зэвvvцмээр муухай алдарчээ. Хєдєєгvvр хэсэг бvлгээрээ хvний нvд харуулдан хулмас хийн явж халуун хошуут малыг бэлчээр дээр нь хэдэн арваар нь алж хяддаг хулгайч нар голдуу малын хоолойг хэрчин бузар хэргээ vйлддэг гэнэ билээ. Тэднийг монгол хvн гэх vv хоёр хєлтэй араатан, улаан нvдэлсэн чєтгєрvvд гэх vv. Тиймэрхvv шийдчихсэн бузар амьтдын хоёр гарыг тасалбал зохилтой.
Єнєєдрийг хvртэл бахархан дээдэлж, Монгол эр хvний дээд хэмээн бодож явсан их аварга Д.Дагвадорж даанч муухай хэрэг хийжээ. Яаж ч бодсон хvний тэргvvн рvv хутга бариад далайж байгаа хvнийг уучлан хэлтрvvлэх арга байхгvй. “Шууд” сайтад єєрийнх нь тайлбарласнаар “Цагаан сар болох гэж байхад ийм муухай бэлгэ дэмбэрэлгvй юм яриад яах вэ” гэж бодож байсансан. Харин одоо бол “Цагаан сар болох гэж байхад их аварга хvн байж адилхан бєх нэгнийхээ тэргvvн рvv хvйтэн мэс далайж байх даа ч яах вэ дээ” гэхээс єєр vг алга даа.
Эцэст нь энэхvv мэдээллийн vнэн худлыг нь тодруулахаар Улсын арслан Х.Мєнхбаатарын 9919-тэй дугаар руу залгавал тєрсєн ах Х.Мєнхжаргал нь авч байна. Тэр “Нийслэл хvрээ”-ний 100 жилийн ойд зориулсан хvчит бєхийн барилдаан дээр байгаа бололтой.
-Байна уу. Х.Мєнхбаатар арслан мєн vv?
-Биш ээ, би тєрсєн ах нь байна.
-Арслантай ямар утсаар холбогдох вэ?
-8888-тай утсаар нь залгаад vз. Гэхдээ одоо Монголд байхгvй шvv дээ. Уржигдар тэмцээнд оролцох гээд Австри улс руу явчихсан.
-Єєрєєс тань нэг зvйл тодруулаадахъя. Их аварга Д.Дагвадорж танай дvv хоёрын хооронд чухам юу болсон юм бэ. “Єглєєний сонин” дээр гараад байгаа зvйл vнэн юм уу?
-Гадуур тийм юм яригдаад л байгаа гэсэн. Би сайн мэдэхгvй. Сvртэй юм болоогvй байлгvй дээ. Тиймэрхvv юм болсон бол єнєєдєр гадаадад барилдаад явахгvй биз дээ.
-Тэр мэдээллийг бичсэн сониныхон єєрсдєдєє их итгэлтэй байгааг та юу гэж бодож байна?
-Би мэдэхгvй гэж хэлээд байна шvv дээ. Єєрсдєєс нь асуу мэдэв vv.
Дараа нь Улсын арслангийн 8888-тай утас руу залгавал vнэхээр гадаадад яваагаар идэвхжvvлсэн байлаа. Ямар ч гэсэн байдал нэг иймэрхvv л байна.
“Нэр хугарахаар яс хугар”, “Сайн нэрийг хvсэвч эс олдоно, Муу нэрийг хусавч vл арилна” гэсэн ухаант ардынхаа онч мэргэн vгийг Д.Дагвадорж аварга та хойш хойшдоо сайтар эргэцvvлэн тунгааж явбал єєрт тань л хэрэг болно доо. Их аварга маань даанч дээ, арай ч ийм муухай хэрэг тариагvй л байгаасай.

ARDCHILAL