Олон улсын “Эмэгтэйчүүдийн эрхийг хамгаалах  өдөр”-өөр Төрийн ордны өмнө гурван эмэгтэй хагас нүцгэн жагсаал хийсэн билээ. Тэд “Оффшорчдыг зайлуул”, “Хулгайлсан хөрөнгөө буцааж өг”, “Бидэнд баярлах шалтгаан алга” гэсэн үгтэй лоозон барин жагссан ч зөвшөөрөлгүй зөрчсөн гэж торгуулийн шийтгэл авсан юм. Тодруулбал, дээрх гурван эмэгтэйд Баянзүрх, Чингэлтэй, Сүхбаатар дүүргийн шүүхээс тус бүрт нь 50 мянган төгрөгийг мөнгөн торгууль ногдуулсан юм.Тэгвэл АНУ-д ажилладаг Г.Шагдарсүрэн гэх иргэн энэхүү торгуулийг төлөх мөнгийг эмэгтэйчүүдэд дансаар шилжүүлсэн гэнэ. Тэрээр “Торгуулийн мөнгөө төлөөрэй” хэмээн 70 ам.доллар шилжүүлжээ.

ЭХ СУРВАЛЖ:ШУУРХАЙ.МН