Загасчлах спортын “Press-Fish-2017” тэмцээн энэ сарын 24-нд Хөвсгөл нууранд зохион байгуулагдах гэж байна. Сэтгүүлчдийн дунд гурав дахь удаагаа зохион байгуулагдаж буй уг тэмцээн “Press-Fish-2017” нэртэй бөгөөд ОХУ-ын Эрхүү болон бусад мужийн телевиз, сонин нийлсэн нийт  15 баг оролцох бөгөөд Монголын хэвлэл мэдээллийн 20 гаруй байгууллагат оролцох урилга өгчээ. Тэмцээн Ханх сумын нутаг, “Ертөнцийн хязгаар” хэмээх амралтын газрын ойролцоо болох юм байна. Сонирхолтой нь, Хөвсгөл нууранд “Press-Fish-2017” болох тэр өдөр ОХУ-ын Байгаль нууранд 13 дахь удаагийн “Байгаль нуурын загасчлал”  (“Байкальская рыбалка – 2017”) тэмцээн нээлтээ хийх аж. Энэ тэмцээн 24, 25-нд Усть Баргузин дүүргийн Холодянки тосгоны ойролцоо болно. Хойд хөршийн “Информ Полис” цахим сонинд энэ талаар мэдээллээ.