“Камертон” хамтлагийн дуучин Б.Эрдэнэбат буюу Эбагийн гэргий Ж.Бямбажав БНСУ-д амаржаад дахин хоёр ихэр хүүхэд төрүүлжээ. Түүний нөхөр болон төрийн шагналт, дуучин Д.Болдтой хамтад Сингапур явахаар онгоцны билет захиалах мөчид дэргэдүүр нь өнгөрсөн бүсгүйчүүд “Дөрвөн хүүхэд төрүүлчихээд ийм сайхан биетэй байх гэж” хэмээн шивнэлдэж байсан гэнэ. Ж.Бямбажавыг ахмад циркчин Д.Жанчивдоржийн охин гэдгийг хүмүүс мэднэ. Аавынхаа мэргэжлийг өвөлж, нэг хэсэг циркийн урлаг хөөсөн ч айлын бэр болсноосоо хойш зөвхөн гэр бүлдээ анхаарлаа хандуулах болсон юм. Сонирхуулахад Б.Эрдэнэбатын гэргий Ж.Бямбажав нь Д.Болдын эхнэр Бямбасүрэнгийн ихэр юм. Тун удахгүй амаржих Бямбасүрэнд ихэр хүүхэд төрүүлэхийг хүсье. Монголын үрс маш олон болох болтугай.