Сошиал бол иргэн хүнд үзэл бодлоо илэрхийлэх бүрэн боломжийг олгож байгаа талбар. Тиймээс ч үнэ цэнэтэй зүйл. Гэхдээ энэ талбарыг нийгмийн санаа бодолд нөлөөлөх улстөрийн зорилгоор ашиглаж байгаа талууд байхыг үгүйсгэх аргагүй. Тиймдээ ч твиттер сайтын тухайд аваад үзэхэд захиалгат жиргээчид гэх ойлголт тархаад тодорхой хугацаа өнгөрчээ. Улстөрийн нам хүчин, бүлэглэлүүдийн санхүүжилттэй жиргээнүүдийн талаар ч яригсад цөөнгүй байгаа. Иймэрхүү пиарын технологи ганц манайд байдаггүй л дээ. Гэхдээ улс орны  нөхцөл байдал амаргүй, попддог нөхдүүддэээ мэрүүлсээр байгаад хэцүүхэн болчихсон манайх шиг улс оронд иргэн хүний ухамсар хийгээд сонголтоос шалтгаалах цөөнгүй асуудал бий. Тэдгээрийн нэг бол захиалгат “зар” түгээгчид юм. Үнэхээр л маргаашийг сайхан байгаасай гэж хүсэж байгаа л бол, үр хүүхдийнхээ ирээдүйг өөр байгаасай гэж бодож л байгаа бол өнөөдрийн арав таван цаасаар ирээдүйгээ худалдмааргүй байна. Тийм хэмжээний ёсзүйг дотроосоо уудалмаар байгаа юм.

Эх сурвалж: Шуурхай.мн