Архангай аймгийн Цэнхэр сумын Орхон багийн Буданттээл гэх газарт гар аргаар алт олборлож байсан Э, Т гэх хоёр иргэн амиа алдсан харамсалтай хэрэг өнгөрөгч баасан гарагт гарлаа. Тус  аймгийн Онцгой байдлын 10 гаруй алба хаагч талийгаачдын  цогцсыг гаргахаар ажиллаж байгаа аж.

Э, Т нар  долоон метр гүн, таван метр өргөн нүх ухсан байжээ. Гэтэл  ухсан нүхний хананаас ус олгойдож, эхэлснээр нүхнээсээ гарч чадалгүй байсаар амиа алдсан бололтой. Хиймэл нуурын ус нэвчин орж, цооногийг дүүргэсэн гэх мэдээлэл байна. Цооногийн гүнд хад чулуу нурсан байж болзошгүй бөгөөд нуурын мөсийг хагалж, усыг шавхасны эцэст талийгаачдын цогцсыг гаргах боломжтой байгаа юм байна.

Талийгаач Э нь 26 настай, Т  нь 28 настай бөгөөд  Орхон багийн харъяат иргэд байжээ.