Сонирхогчдын боксын УАШТ өнөөдрөөс эхлэн 15-н хүртэл Спортын төв ордны “А” зааланд үргэлжлэн явагдах гэж байна. Энэ удаагийн УАШТ ХХ зууны манлай дасгалжуулагч, гавьяат дасгалжуулагч Вандуйн Батбаярын нэрэмжит болон зохиогдож буй бөгөөд эрэгтэйчүүдийн 37, эмэгтэйчүүдийн 13 дахь удаагийн УАШТ юм.

Үндэсний шигшээ багаа шинээр бүрдүүлэх энэ удаагийн УАШТ-д 39 багийн нийт 201 тамирчин эрэгтэй ес, эмэгтэй найман жинд өрсөлдөх юм. УАШТ өдөр бүрийн 14:00 цагт эхлэнэ.