Өнгөрсөн жилийн “Авьяаслаг монголчууд” шоуны шилдэг гурван оролцогчийн нэг, баргил хоолойтой, барилгачин залуу нэрээрээ олонд танигдсан А.Отгонбаяр Японд суралцахаар болжээ. Тэрбээр “Би дуурийн болон кантри, жааз чиглэлээр суралцах сонирхолтой байгаа. Тэгэхээр дуурийн дуу, жааз кантри чиглэлээр мэргэшиж ирнэ гэсэн үг. Япон явах асуудал тодорхой болсон гэж хэлж болно. Хугацааны хувьд ирэх оны хоёрдугаар сар, эсвэл хойшиллоо гэхэд гуравдугаар сард явахаар төлөвлөгдөж байна. Миний мөрөөдөл бол дэлхийн дуучин, МУГЖ Г.Ариунбаатар шиг болох. Би энэ хүнийг их шүтэж, дуурайж, дууг нь дуулж явдаг. Энэ хүнтэй эн тэнцэхүйц, үгүй юм аа гэхэд дөхөөд оччих дуучин болохсон гэж мөрөөддөг” хэмээн ярьжээ.